'ಮುಂಗಾರು ಮಳೆ 2' ಹಾಡುಗಳು ಅಂತರ್ಜಾಲದಲ್ಲಿ ಸಂಚಲನ; ನೂರಕ್ಕೂ ಹೆಚ್ಚು ಮರು ಆವೃತ್ತಿಗಳು

ಶಶಾಂಕ್ ನಿರ್ದೇಶನದ 'ಮುಂಗಾರು ಮಳೆ 2' ಮೂರನೇ ವಾರಕ್ಕೆ ಕಾಲಿಡುತ್ತಿರುವ ಸಮಯದಲ್ಲಿ ಈ ಸಿನೆಮಾದ ಹಾಡುಗಳು 'ಸರಿಯಾಗಿ ನೆನಪಿದೆ', 'ಗಮನಿಸು' ಮತ್ತು 'ಕನಸಲೂ' ಅಂತರ್ಜಾಲದಲ್ಲಿ

ಮುಂಗಾರು ಮಳೆ 2 ಸಿನೆಮಾದ ಸ್ಟಿಲ್

Guruprasad Narayana

Published On :27 Sept 2016, 6:44 am

Add as a preferred source on Google

ಬೆಂಗಳೂರು: ಶಶಾಂಕ್ ನಿರ್ದೇಶನದ 'ಮುಂಗಾರು ಮಳೆ 2' ಮೂರನೇ ವಾರಕ್ಕೆ ಕಾಲಿಡುತ್ತಿರುವ ಸಮಯದಲ್ಲಿ ಈ ಸಿನೆಮಾದ ಹಾಡುಗಳು 'ಸರಿಯಾಗಿ ನೆನಪಿದೆ', 'ಗಮನಿಸು' ಮತ್ತು 'ಕನಸಲೂ' ಅಂತರ್ಜಾಲದಲ್ಲಿ ಜನಪ್ರಿಯವಾಗಿದ್ದು ಭಾರಿ ಸಂಚಲನ ಮೂಡಿಸಿವೆ.

ಜನ ಈ ಹಾಡುಗಳನ್ನು ಎಷ್ಟು ಮೆಚ್ಚಿದ್ದಾರೆ ಎಂದರೆ, ಈ ಹಾಡುಗಳನ್ನು ಮತ್ತೆ ರೆಕಾರ್ಡ್ ಮಾಡಿ ಮರು ಆವೃತ್ತಿಗಳನ್ನು ಯೂಟ್ಯೂಬ್ ನಲ್ಲಿ ಹಾಕುತ್ತಿದ್ದಾರೆ. ಈ ಪ್ರತಿಕ್ರಿಯೆಯಿಂದ ಸಂತಸಗೊಂಡಿರುವ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ "ದಿನಾಲು ಸರಾಸರಿಯಾಗಿ ಎರಡು ಮರು ಆವೃತ್ತಿ ಹಾಡುಗಳು ಬರುತ್ತಿವೆ" ಎನ್ನುತ್ತಾರೆ.

"ಕೆಲವು ಬಾರಿ ಹಾಡುಗಳನ್ನು ಮತ್ತೆ ಅರೇಂಜ್ ಮಾಡಿ ಹಾಡಿದ್ದರೆ, ಇನ್ನು ಕೆಲವೊಮ್ಮೆ ವಿಭಿನ್ನ ವಾದ್ಯಗಳೊಂದಿಗೆ, ರ್ಯಾಪ್ ಸಂಗೀತದೊಂದಿಗೆ ಹಾಡಿರುವ ಆವೃತ್ತಿಗಳು ಬಿಡುಗಡೆಯಾಗಿವೆ. ಒಂದು ಆವೃತ್ತಿಯಲ್ಲಿ ಯುವತಿಯೊಬ್ಬಳು, ಹಿನ್ನಲೆಯಲ್ಲಿ ಸಂಗೀತವೇ ಇಲ್ಲದೆ ಹಾಡಿದ್ದಾರೆ. ಬಹುತೇಕ ಈ ಎಲ್ಲ ಮರು ಆವೃತ್ತಿಗಳು ವೈರಲ್ ಆಗಿದ್ದು 50 ಸಾವಿರಕ್ಕೂ ಹೆಚ್ಚು ಬಾರಿ ವೀಕ್ಷಣೆಯಾಗಿವೆ" ಎನ್ನುತ್ತಾರೆ ಸಂಗೀತ ನಿರ್ದೇಶಕ.

ಈ ಟ್ರೆಂಡ್ ಭಾರತವನ್ನು ಮೀರಿ ಬೆಳೆದಿದೆ ಎನ್ನುವ ಅರ್ಜುನ್ "ದುಬೈ, ಲಂಡನ್, ಕತಾರ್, ಬೆಂಗಳೂರು, ಮುಂಬೈ ಎಲ್ಲ ಭಾಗಗಳಿಂದಲೂ ರೆಕಾರ್ಡಿಂಗ್ ಗಳು ಬರುತ್ತಿವೆ. ಅವುಗಳೆಲ್ಲವನ್ನೂ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ್ದೇವೆ" ಎನ್ನುತ್ತಾರೆ ಅರ್ಜುನ್.

ಇವುಗಳಲ್ಲಿ ಅತ್ಯುತ್ತಮ ಪ್ರತಿಭೆಗಳನ್ನು ಹೆಕ್ಕಿ ಮುನ್ನೆಲೆಗೆ ತರುವ ಇರಾದೆ ಹೊಂದಿರುವ ಸಂಗೀತ ನಿರ್ದೇಶಕ "ಸದ್ಯಕ್ಕೆ ಅಲ್ಲದಿದ್ದರೂ, ಅವುಗಳಲ್ಲಿ ಕೆಲವನ್ನು ಆಯ್ಕೆ ಮಾಡಿ ಮುನ್ನೆಲೆಗೆ ತರುವ ಇಚ್ಛೆ ಇದೆ" ಎಂದು ವಿವರಿಸುತ್ತಾರೆ.

ಗಣೇಶ್, ನೇಹಾ ಶೆಟ್ಟಿ ಮತ್ತು ರವಿಚಂದ್ರನ್ ನಟಿಸಿರುವ ಈ ಸಿನೆಮಾ ಮಿಶ್ರ ಪ್ರತಿಕ್ರಿಯೆ ಪಡೆದಿತ್ತು.

Follow KannadaPrabha channel on WhatsApp

Subscribe to KannadaPrabha YouTube Channel and watch Videos

Download the KannadaPrabha News app to follow the latest news updates

Subscribe and Receive exclusive content and updates on your favorite topics

music Mungaru Male 2 ಸಂಗೀತ Shashank ಶಶಾಂಕ್Arjun Janya ಅರ್ಜುನ್ ಜನ್ಯ ಮುಂಗಾರು ಮಳೆ 2

Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.