ಯಶ್ ಈಗ 'ಸೆಲ್ಫ್ ಮೇಡ್ ಶೆಹಜಾದ'
ನಟ ಯಶ್ ಅಭಿನಯದ 'ಸಂತು ಸ್ಟ್ರೈಟ್ ಫಾರ್ವರ್ಡ್' ಬಿಡುಗಡೆ ಸನಿಹವಾಗುತ್ತಿದ್ದು, ಸಿನೆಮಾದ ಪರಿಚಯ ಹಾಡು ಅವರ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿದೆಯಂತೆ.
Published On :
ಬೆಂಗಳೂರು: ನಟ ಯಶ್ ಅಭಿನಯದ 'ಸಂತು ಸ್ಟ್ರೈಟ್ ಫಾರ್ವರ್ಡ್' ಬಿಡುಗಡೆ ಸನಿಹವಾಗುತ್ತಿದ್ದು, ಸಿನೆಮಾದ ಪರಿಚಯ ಹಾಡು ಅವರ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿದೆಯಂತೆ. 'ಸೆಲ್ಫ್ ಮೇಡ್ ಶೆಹಜಾದ' ಎಂಬ ಹಾಡು ಸಿನೆಮಾದಲ್ಲಿ ಈ ನಾಯಕನಟನ ಪಾತ್ರವನ್ನು ಪರಿಚಯಿಸಲಿದೆ.
ಚೇತನ್ ಕುಮಾರ್ ಗೀತರಚನೆ ಮಾಡಿರುವ ಈ ಹಾಡಿಗೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದಾರೆ. ಅಕ್ಟೋಬರ್ 11 ರಂದು ಬಿಡುಗಡೆಯಾದ ಹಾಡುಗಳು ಈಗಾಗಲೇ ಸಾಮಾಜಿಕ ಅಂತರ್ಜಾಲದಲ್ಲಿ ಜನಪ್ರಿಯವಾಗಿವೆಯಂತೆ. ಲಹರಿ ಸಂಸ್ಥೆ ಸಿನೆಮಾದ ಆಡಿಯೋ ಹಕ್ಕುಗಳನ್ನು ದಾಖಲೆ ಬೆಲೆ 1.08 ಕೋಟಿಗೆ ಕೊಂಡಿತ್ತು.
ಈ ಹಿಟ್ ಹಾಡನ್ನು ಇತ್ತೀಚೆಗಷ್ಟೇ ಕಂಠೀರವ ಸ್ಟುಡಿಯೋದಲ್ಲಿ ಚಿತ್ರೀಕರಿಸಲಾಗಿತ್ತು. ನೃತ್ಯ ನಿರ್ದೇಶಕ ಮುರಳಿ ಮಾಸ್ಟರ್ ಹೇಳುವಂತೆ ಇದು ಮಾಮೂಲಿ ರೀತಿಯ ಹಾಡಲ್ಲವಂತೆ! "ಮೊದಲ ಬಾರಿಗೆ ಒಳಾಂಗಣದಲ್ಲಿ ಪರಿಚಯ ಹಾಡಿಗೆ ನೃತ್ಯ ನಿರ್ದೇಶನ ಮಾಡುವ ಪ್ರಯತ್ನ ಮಾಡಿದ್ದೇನೆ" ಎನ್ನುತ್ತಾರೆ.
ಈ ಪರಿಚಯದ ಹಾಡಿನಲ್ಲಿ 9 ಜನ ವಿಲನ್ ಗಳು ಇದ್ದು ಅದು ಈ ಹಾಡಿನ ಮುಖ್ಯಾಂಶ ಎನ್ನುತ್ತಾರೆ ಮುರಳಿ "ಈ ಪರಿಚಯ ಹಾಡಿನಲ್ಲಿ ವಿಲನ್ ಗಳು ಹೇಳುವ ಕೆಲವು ಸಾಲುಗಳಿವೆ ಅದಕ್ಕೆ ನಾಯಕನ ಅಭಿಮಾನಿಗಳು ಮತ್ತು ಬೆಂಬಲಿಗರು ಉತ್ತರಿಸುತ್ತಾರೆ" ಎನ್ನುತ್ತಾರೆ.
ಈ ಹಾಡಿಗಾಗಿ ನಿರ್ಮಾಪಕರು ವ್ಯಯಿಸಿರುವ ಮೊತ್ತ 1.25 ಕೋಟಿಯಂತೆ. ಈ ಹಾಡಿಗೆ ರಷ್ಯಾ ಮತ್ತು ಮುಂಬೈನಿಂದ ಸುಮಾರು 120 ಸದಸ್ಯರು ನೃತ್ಯ ಮಾಡಿದ್ದಾರಂತೆ. ಯೋಗಿ ಮತ್ತು ಸಾನಿಯಾ ಇದಕ್ಕೆ ವಸ್ತ್ರವಿನ್ಯಾಸ ಮಾಡಿದ್ದಾರೆ.
ರಾಧಿಕಾ ಪಂಡಿತ್ ನಾಯಕನಟಿಯಾಗಿರುವ ಈ ಸಿನೆಮಾ ದೀಪಾವಳಿ ಸಮಯದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
yashರಾಧಿಕಾ ಪಂಡಿತ್ಯಶ್Radhika PandithSanthu straight forwardಸಂತು ಸ್ಟ್ರೈಟ್ ಫಾರ್ವರ್ಡ್self-made Shehzadaಸೆಲ್ಫ್ ಮೇಡ್ ಶೆಹಜಾದ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.