ಸ್ನೇಹಿತ ತರುಣ್ ಸುಧೀರ್ ಗಾಗಿ ಚೌಕ ಸಿನಿಮಾದಲ್ಲಿ ದರ್ಶನ್ ಅಭಿನಯ

ಬೆಂಗಳೂರು: ತರುಣ್ ಸುಧೀರ್ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಚೌಕ ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯಿಸುತ್ತಿದ್ದಾರೆ.

ಆದರೆ ಈ ಬೆಳವಣಿಗೆಯ ಬಗ್ಗೆ ಪ್ರೊಡಜ್ಞನ್ ಹೌಸ್ ಎಲ್ಲಿಯೂ ತುಟಿ ಬಿಚ್ಚಿಲ್ಲ.  ತರುಣ್ ಸುಧೀರ್ ಗಾಗಿ ದರ್ಶನ್ ಚೌಕ ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ದರ್ಶನಂ ತಂದೆ ತೂಗುದೀಪ್ ಶ್ರೀನಿವಾಸ್ ಮತ್ತು ತರುಣ್ ತಂದೆ ಸುಧೀರ್ ಹಳೆಯ ಚಿತ್ರಗಳಲ್ಲಿ ಪ್ರಮುಖ ಖಳನಟರುಗಳಾಗಿ ಹಲವು ಸಿನಿಮಾಗಳಲ್ಲಿ ಜೊತೆಯಾಗಿ ಅಭಿನಯಿಸಿದ್ದಾರೆ.

ಅವರಿಬ್ಬರ ಸ್ನೇಹವನ್ನು ಮಕ್ಕಳು ಮುಂದುವರಿಸಿಕೊಂಡು ಬಂದಿದ್ದಾರೆ. ಚೌಕ ಚಿತ್ರದಲ್ಲಿ ದರ್ಶನ್ ಪ್ರಮುಖ ಪಾತ್ರ ನಿರ್ವಹಿಸಲಿದ್ದು, ತುಂಬಾ ಆಸಕ್ತಿದಾಯಕವಾಗಿದೆ.

ಚೌಕ ದ್ವಾರಕೀಶ್ ಅವರ 50 ನೇ ಚಿತ್ರವಾಗಿದ್ದು ಹಲವು ವಿಷಯಗಳಿಂದಾಗಿ ಸುದ್ದಿ ಮಾಡಿದೆ. ವಿಜಯ್ ರಾಘವೇಂದ್ರ, ಪ್ರೇಮ್, ದಿಗಂತ್, ಮತ್ತು ಪ್ರಜ್ವಲ್ ದೇವರಾಜ್ ಪ್ರಿಯಾಮಣಿ, ದೀಪಾ ಸನ್ನಿದಿ ಐಂದ್ರಿತಾ ರೈ ಸೇರಿದಂತೆ ಹಲವು ಪ್ರಮುಖರು ಚಿತ್ರದಲ್ಲಿ ಅಭಿನವಯಿಸಿದ್ದಾರೆ.