ಸಿಂಗಂ-3ಗೆ ಪತ್ರಕರ್ತೆಯಾದ ಶೃತಿ ಹಾಸನ್

ಚೆನ್ನೈ: ತಮಿಳಿನ ಸಿಂಗಂ ಹಾಗೂ ಸಿಂಗಂ 2 ಚಿತ್ರದ ಭರ್ಜರಿ ಯಶಸ್ಸಿನ ನಂತರ ಬರುತ್ತಿರುವ ಸೀಕ್ವೆಲ್ 3 ಚಿತ್ರದಲ್ಲಿ ನಟಿ ಶೃತಿ ಹಾಸನ್ ಪತ್ರಕರ್ತೆ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಪೊಲೀಸ್ ಅಧಿಕಾರಿ ಪಾತ್ರ ನಿರ್ವಹಿಸುತ್ತಿರುವ ನಟ ಸೂರ್ಯಗೆ ದೊಡ್ಡ ಪ್ರಕರಣದ ಒಂದಕ್ಕೆ ಸಂಬಂಧಿಸಿದಂತೆ ಸಹಾಯ ಮಾಡುವ ಪತ್ರಕರ್ತೆ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಕಮಲ್ ಹಾಸನ್ ಅವರ ಸುಭಾಷ್ ನಾಯ್ಡು ಚಿತ್ರದಲ್ಲಿ ಅಭಿನಯಿಸುತ್ತಿರುವ ಶೃತಿ ಹಾಸನ್ ತಮ್ಮ ಭಾಗದ ಚಿತ್ರೀಕರಣ ಮುಕ್ತಾಯದ ನಂತರ ಸಿಂಗಂ-3 ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಸಿಂಗಂ ಹಾಗೂ ಸಿಂಗಂ-2 ಚಿತ್ರದ ನಿರ್ದೇಶಕ ಹರಿ ಅವರೇ ಸಿಂಗಂ-3 ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ಹರೀಶ್ ಜೈರಾಜ್ ಸಂಗೀತ ಸಂಯೋಜಿಸುತ್ತಿದ್ದಾರೆ.