ಬಿಡುಗಡೆಗೂ ಮುನ್ನ ಆನ್'ಲೈನ್ ನಲ್ಲಿ ಲೀಕಾಗಿತ್ತು ಸುಲ್ತಾನ್ ಚಿತ್ರ?

ನವದೆಹಲಿ: ಬಾಲಿವುಡ್ ಸೂಪರ್ ಸ್ಟಾರ್ ನಟ ಸಲ್ಮಾನ್ ಖಾನ್ ಅಭಿನಯದ ಬಹುನಿರೀಕ್ಷಿತ ಸುಲ್ತಾನ್ ಚಿತ್ರ ಬಿಡುಗಡೆಗೂ ಒಂದು ದಿನಕ್ಕೂ ಮುನ್ನವೇ ಆನ್ ಲೈನ್ ನಲ್ಲಿ ಲೀಕಾಗಿತ್ತು ಎಂಬ ವಿಚಾರ ಇದೀಗ ಬಹಿರಂಗಗೊಂಡಿದೆ.

ಈ ಕುರಿತಂತೆ ಖಾಸಗಿ ಮಾಧ್ಯಮವೊಂದು ವರದಿಮಾಡಿದ್ದು, ಸುಲ್ತಾನ್ ಚಿತ್ರ ಬಿಡುಗಡೆಯಾಗುವುದಕ್ಕೂ ಒಂದು ದಿನಕ್ಕೂ ಮುನ್ನ ಆನ್ ಲೈನ್ ಲೀಕಾಗಿದ್ದು, ಈ ಕುರಿತ ಸುದ್ದಿಯನ್ನು ಯಶ್ ರಾಜ್ ಫಿಲ್ಮ್ ತಿರಸ್ಕರಿಸಿದೆ ಎಂದು ಹೇಳಿಕೊಂಡಿದೆ.

ಈ ಸುದ್ದಿಯನ್ನು ಸೈಬರ್ ಅಪರಾಧ ತಜ್ಞ ದೀಪ್ ಶಂಕರ್ ಅವರು ಖಚಿತಪಡಿಸಿದ್ದು, ಸುಲ್ತಾನ್ ಚಿತ್ರ ಆನ್ ಲೈನ್ ನಲ್ಲಿ ಲೀಕ್ ಆಗಿರುವುದು ಸತ್ಯ. ಚಿತ್ರದ ಕಾಪಿ ಡಾರ್ಕ್ ನೆಟ್ ನಲ್ಲಿ ಓಡಾಡುತ್ತಿತ್ತು. ಶೀಘ್ರಗತಿಯಲ್ಲಿ ಟೊರೆಂಟ್ ನಲ್ಲೂ ಲಭ್ಯವಾಗಲಿತ್ತು ಎಂದು ಹೇಳಿಕೊಂಡಿದ್ದಾರೆ. ಆದರೆ, ಈ ವರೆಗೂ ಚಿತ್ರ ನಿರ್ಮಾಪಕರಾಗಲಿ, ನಿರ್ದೇಶಕರಾಗಲಿ ಯಾರೊಬ್ಬರು ಈ ಬಗ್ಗೆ ಸ್ಪಷ್ಟನೆ ನೀಡಿಲ್ಲ.