ಹೃತಿಕ್-ಕಂಗನಾ ಪ್ರಕರಣ: ಆತ್ಮೀಯ ಅಪ್ಪುಗೆಯ ಫೋಟೊ ವೈರಲ್

ನವದೆಹಲಿ: ನಟ ಹೃತಿಕ್ ರೋಷನ್ ಹಾಗೂ ಕಂಗನಾ ನಡುವಿನ ಕಾದಾಟ ದಿನದಿಂದ ದಿನಕ್ಕೆ ಹೊಸ ಸ್ವರೂಪ ಪಡೆದುಕೊಳ್ಳುತ್ತಿರುವ ಮಧ್ಯೆಯೇ ಇದೀಗ ಪ್ರಕರಣ ಹೊಸ ತಿರುವು ಪಡೆದುಕೊಂಡಿದೆ.

ತಮ್ಮ ಹಾಗೂ ಕಂಗನಾ ನಡುವೆ ಯಾವುದೇ ಸಂಬಂಧವಿಲ್ಲ ಎಂದು ಇತ್ತೀಚೆಗಷ್ಟೇ ಹೃತಿಕ್ ರೋಷನ್ ಅವರು ಹೇಳಿದ್ದರು. ಕಂಗನಾ ಹಾಗೂ ಹೃತಿಕ್ ಅವರ ಸಂಬಂಧಕ್ಕೆ ಪುಷ್ಟಿ ನೀಡುವಂತಹ ಹೊಸ ಫೋಟೋವೊಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ.

ಮನರಂಜನಾ ವೆಬ್ ಸೈಟ್ ಆಗಿರುವ ಮಿಸ್ ಮಾಲಿನಿ.ಕಾಂನಲ್ಲಿ ಈ ಫೋಟೋ ಪ್ರಕಟಗೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಪ್ರಸ್ತುತ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿರುವ ಫೋಟೋದಲ್ಲಿ ಹೃತಿಕ್ ಹಾಗೂ ಕಂಗನಾ ಅವರನ್ನು ತಬ್ಬಿಕೊಂಡಿದ್ದು, ಫೋಟೋದಲ್ಲಿ ಇಬ್ಬರು ಸಾಕಷ್ಟು ಹತ್ತಿರವಾಗಿರುವಂತಿದೆ.