ಪುನೀತ್ ಜೊತೆ ಅರುಣ್ ವಿಜಯ್ ಫೈಟ್!
ಸರವಣನ್ ಅವರ ಮುಂಬರುವ ಸಿನೆಮಾದಲ್ಲಿ ಪುನೀತ್ ರಾಜಕುಮಾರ್ ಮತ್ತು ಅರುಣ್ ವಿಜಯ್ ತೆರೆಯ ಮೇಲೆ ಫೈಟ್ ಮಾಡಲಿದ್ದಾರೆ.
ಬೆಂಗಳೂರು: ಸರವಣನ್ ಅವರ ಮುಂಬರುವ ಸಿನೆಮಾದಲ್ಲಿ ಪುನೀತ್ ರಾಜಕುಮಾರ್ ಮತ್ತು ಅರುಣ್ ವಿಜಯ್ ತೆರೆಯ ಮೇಲೆ ಫೈಟ್ ಮಾಡಲಿದ್ದಾರೆ. ಸುಧೀರ್ಘ ಕಾಲದವರೆಗೆ ವಿರಾಮದಲ್ಲಿದ್ದ ಪುನೀತ್ ಈಗ ಇನ್ನು ಹೆಸರಿದ ಈ ಚಿತ್ರದ ಎರಡನೇ ಹಂತದ ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ. ಇವರ ಜೊತೆಗೆ ಕನ್ನಡ ಚಲನಚಿತ್ರಕ್ಕೆ ಪಾದಾರ್ಪಣೆ ಮಾಡುತ್ತಿರುವ ತಮಿಳು ನಟ ಅರುಣ್ ವಿಜಯ್ ಕೂಡ ಸೇರಿಕೊಳ್ಳಲಿದ್ದಾರೆ.
ಮಾನ್ಯತಾ ಟೆಕ್ ಪಾರ್ಕ್ ನಲ್ಲಿ ಚಿತ್ರಿಕರಣಗೊಳ್ಳಲಿರುವ ಈ ಫೈಟ್ ದೃಶ್ಯಾವಳಿ ಅತಿ ಹೆಚ್ಚು ವ್ಯಯಿಸಿರುವ ಫೈಟ್ಗಳಲ್ಲಿ ಒಂದೆನ್ನುವ ನಿರ್ದೇಶಕ "ಇದು ಪುನೀತ್ ಮತ್ತು ನಮ್ಮ ಚಿತ್ರದ ವಿಲನ್ ಅರುಣ್ ಅವರ ನಡುವಿನ ಫೈಟ್. ಈ ಆಕ್ಷನ್ ದೃಶ್ಯಾವಳಿಯನ್ನು ಫೈಟ್ ಮಾಸ್ಟರ್ ಸಿಲ್ವಾ ನಿರ್ದೇಶಿಸಲಿದ್ದಾರೆ. ಅವರು ತಮಿಳು ಸಿನೆಮಾಗಳಲ್ಲಿ ಹೆಸರುವಾಸಿ ಹಾಗು ಆಕ್ಷನ್ ಸ್ಟಂಟ್ ಗಳಿಗೆ ಮನೆಮಾತು" ಎನ್ನುತ್ತಾರೆ ಸರವಣನ್.
ಇಡೀ ಚಿತ್ರೀಕರಣ ನಗರದಲ್ಲೇ ನಡೆಯಲಿದೆ ಎನ್ನುವ ಸರವಣನ್ "ನಾನು ಕೆಲವು ಪ್ರದೇಶಗಳನ್ನು ಗುರುತಿಸಿದ್ದೇನೆ. ಅವುಗಳು ನನ್ನ ಸ್ಕ್ರಿಪ್ಟ್ ಗೆ ಸರಿ ಹೊಂದುತ್ತವೆ. ಒಂದೇ ಒಂದು ಹಾಡಿಗೆ ಮಾತ್ರ ವಿದೇಶಕ್ಕೆ ತೆರಳಲಿದ್ದೇವೆ. ಇದನ್ನು ಹೊರತುಪಡಿಸಿದರೆ ಸಂಪೂರ್ಣ ಚಿತ್ರೀಕರಣ ಬೆಂಗಳೂರಿನಲ್ಲೆ ನಡೆಯಲಿದೆ" ಎನ್ನುತ್ತಾರೆ.
ಇನ್ನು ಶೀರ್ಷಿಕೆ ಸಿಕ್ಕಿಲ್ಲ ಎನ್ನುವ ಸರವಣನ್ ಈ ಚಿತ್ರೀಕರಣ ೧೫ ದಿನಗಳ ವರೆಗೆ ಮುಂದುವರೆಯಲಿದೆ ಎಂದಿದ್ದಾರೆ. ನಂತರ ಪುನೀತ್ ಸೂರಿ ನಿರ್ದೇಶನದ 'ದೊಡ್ಮನೆ ಹುಡುಗ' ಚಿತ್ರದ ಚಿತ್ರೀಕರಣದಲ್ಲಿ ನಿರತರಾಗಲಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.