ಮಣಿರತ್ನಂ ಮುಂದಿನ ಚಿತ್ರದಲ್ಲಿ ಐಶ್ವರ್ಯ ಇಲ್ಲ

ಚೆನ್ನೈ: ಇನ್ನೂ ಹೆಸರಿಡದ ಮಣಿರತ್ನಂ ನಿರ್ದೇಶನದ ತಮಿಳು ಚಿತ್ರದಲ್ಲಿ ಐಶ್ವರ್ಯ ರೈ ಬಚ್ಚನ್ ನಟಿಸುವುದಿಲ್ಲ ಎಂದು ಮೂಲಗಳು ತಿಳಿಸಿವೆ. ಕಾರ್ತಿ ಮತ್ತು ದಲ್ಕ್ವೇರ್ ಸಲ್ಮಾನ್ ಈ ಚಿತ್ರದ ಪ್ರಮುಖ ನಟರು.

"ಅವರ ಮುಂದಿನ ಯೋಜನೆಗೆ ಮಣಿರತ್ನಂ ಅವರು ಇನ್ನೂ ನಾಯಕ ನಟಿಯನ್ನು ಅಂತಿಮಗೊಳಿಸಬೇಕಿದೆ. ವದಂತದಿಗಳಿಗೆ ವಿರುದ್ಧವಾಗಿ ಐಶ್ವರ್ಯ ರೈ ಅವರು ಈ ಸಿನೆಮಾದ ಭಾಗವಾಗಿರುವುದಿಲ್ಲ" ಎಂದು ಮೂಲಗಳು ತಿಳಿಸಿವೆ.

ಡಿಸೆಂಬರ್ ನಲ್ಲಿ ಚಲನಚಿತ್ರದ ಚಿತ್ರೀಕರಣ ಪ್ರಾರಂಭವಾಗಲಿದೆ.

"ಈ ಸಿನೆಮಾ ಚಿತ್ರೀಕರಣ ಸೆಪ್ಟಂಬರ್ ನಲ್ಲಿ ಪ್ರಾರಂಭವಾಗಬೇಕಿತ್ತು ಆದರೆ ದಲ್ಕ್ವೇರ್ ಅವರು ರಾಜೀವ್ ರವಿ ನಿರ್ದೇಶನದ ಮಲಯಾಳಮ್ ಚಿತ್ರವೊಂದರ ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ ಆದುದರಿಂದ ಅವರು ಅದನ್ನು ಮುಗಿಸುವವರೆಗೆ ಚಿತ್ರತಂಡ ಕಾಯಲಿದೆ" ಎಂದು ತಿಳಿಯಲಾಗಿದೆ.

ಮಣಿರತ್ನಂ ಅವರ 'ಇರುವರ್', 'ಗುರು' ಮತ್ತು 'ರಾವನ್' ಚಲನಚಿತ್ರಗಳಲ್ಲಿ ಐಶ್ವರ್ಯಾ ರೈ ನಟಿಸಿದ್ದಾರೆ ಸದ್ಯಕ್ಕೆ 'ಜಸ್ಬಾ' ಸಿನೆಮಾದ ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ.