ಹಸಿಬಿಸಿ ದೃಶ್ಯದಲ್ಲಿ ನಟಿಸುವಾಗ ಮುಜುಗರಪಟ್ಟ ಮಲ್ಲಿಕಾ!

ಮುಂಬೈ: ಬಾಲಿವುಡ್ ಹಾಟ್ ನಟಿ ಮಲ್ಲಿಕಾ ಶೆರಾವತ್ ಎಂಥೆಂಥಾ ಹಸಿಬಿಸಿ ದೃಶ್ಯಗಳಲ್ಲಿ ನಟಿಸಿಲ್ಲಾ..! ಆದರೆ ಮೊದಲ ಬಾರಿಗೆ 'ಡರ್ಟಿ ಪಾಲಿಟಿಕ್ಸ್' ಚಿತ್ರದ ಶೂಟಿಂಗ್‌ನಲ್ಲಿ ಹಿರಿಯ ನಟ ಓಂಪುರಿ ಅವರೊಂದಿಗೆ ಹಸಿಬಿಸಿ ದೃಶ್ಯದಲ್ಲಿ ನಟಿಸುವಾಗ ನನಗೆ ತುಂಬಾ ಮುಜುಗರವಾಯಿತು ಎಂದು ಶೆರವಾತ್ ಹೇಳಿಕೊಂಡಿದ್ದಾಳೆ.

ಡರ್ಟಿ ಪಾಲಿಟಿಕ್ಸ್ ಚಿತ್ರದಲ್ಲಿ ಮಲ್ಲಿಕಾ ಶೆರವಾತ್ ಹಾಗೂ ನಟ ಓಂಪುರಿ ಮುಖ್ಯಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಕೆ.ಸಿ ಬೊಕಾಡಿಯಾ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಈ ಚಿತ್ರದಲ್ಲಿ ಓಂಪುರಿಯೊಂದಿಗೆ ರೋಮ್ಯಾನ್ಸ್ ಮಾಡುವ ದೃಶ್ಯಗಳಿವೆ. ಓಂಪುರಿಯೊಂದಿಗೆ ರೋಮ್ಯಾನ್ಸ್ ಮಾಡುವಾಗ ತುಂಬಾ ಮುಜುಗರವಾಯಿತು ಎಂದು ಮಲ್ಲಿಕಾ ಹೇಳಿದ್ದಾಳೆ.

ದೇಶದ ಗಮನವನ್ನು ಸೆಳೆದಿದ್ದ ಭನ್ವರಿ ದೇವಿ ಸೆಕ್ಸ್ ಸ್ಕ್ಯಾಂಡಲ್‌ನ ಅವರು ನಿಜ ಜೀವನದ ಕಥೆಯನ್ನು ಡರ್ಟಿ ಪಾಲಿಟಿಕ್ಸ್ ಚಿತ್ರ ಹೊಂದಿದೆ. ಇದರಲ್ಲಿ ಭನ್ವರಿ ದೇವಿ ಅವರ ಪಾತ್ರದಲ್ಲಿ ಮಲ್ಲಿಕಾ ನಟಿಸುತ್ತಿದ್ದಾರೆ. ರಾಜಕಾರಣಿಯಾಗಿ ಓಂಪುರಿ ನಟಿಸುತ್ತಿದ್ದು, ತನ್ನ ದೇಹಸಿರಿಯನ್ನು ಬಂಡವಾಳವನ್ನಾಗಿ ಮಾಡಿಕೊಂಡು ಬಡ ಮಹಿಳೆ ಸಮಾಜದಲ್ಲಿ ಉನ್ನತಿ ಹೊಂದುವ ಕಥಾ ಹಂದರ ಈ ಚಿತ್ರಕ್ಕಿದೆ.

ಡರ್ಟಿ ಪಾಲಿಟಿಕ್ಸ್ ಚಿತ್ರದಲ್ಲಿ ಹಿರಿಯ ನಟರು ತಾರಾ ಬಳಗವೆ ಇದೆ. ನಾಸಿರುದ್ದೀನ್ ಶಾ, ಅನುಪಮ್ ಖೇರ್, ಜಾಕಿ ಶ್ರಾಫ್, ಅಶುತೋಷ್ ರಾಣಾ, ರಾಜಪಾಲ್ ಯಾದವ್ ಚಿತ್ರದ ಮುಖ್ಯಭೂಮಿಕೆಯಲ್ಲಿದ್ದಾರೆ.