ಕ್ಯಾನೆ ಚಿತ್ರೋತ್ಸವ: ದಿವಂಗತ ನಟಿ ಶ್ರೀದೇವಿಗೆ ಗೌರವ
ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನ ಕ್ಯಾನೆಯಲ್ಲಿ ನಡೆಯುತ್ತಿರುವ 71 ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾರತೀಯ ಚಿತ್ರರಂಗದ ನಟಿ ಶ್ರೀದೇನಿ ಅವರನ್ನು ಗೌರವಿಸಲಾಗಿದೆ.
Published On :
ಪ್ಯಾರಿಸ್: ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನ ಕ್ಯಾನೆಯಲ್ಲಿ ನಡೆಯುತ್ತಿರುವ 71 ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾರತೀಯ ಚಿತ್ರರಂಗದ ನಟಿ ಶ್ರೀದೇನಿ ಅವರನ್ನು ಗೌರವಿಸಲಾಗಿದೆ.
ಕ್ಯಾನೆ ಚಿತ್ರೋತ್ಸವದಲ್ಲಿ ಭಾರತೀಯ ಚಿತ್ರರಂಗಕ್ಕೆ ನಟಿ ಶ್ರೀದೇವಿ ಅವರ ಸಲ್ಲಿಸಿರುವ ಗಣನೀಯ ಸೇನೆಯನ್ನು ನೆನಪಿಸಿಕೊಳ್ಳಲಾಗಿದ್ದು, ಅವರಿಗೆ ಗೌರವ ಸಲ್ಲಿಸಲಾಯಿತು. ಇನ್ನು ಇದೇ ಚಿತ್ರೋತ್ಸವದಲ್ಲಿ ಶ್ರೀದೇವಿ ಅವರ ಪತಿ ಬೋನಿಕಪೂರ್ ಹಾಗೂ ಅವರ ಪುತ್ರಿಯರಾದ ಜಾಹ್ನವಿ ಕಪೂರ್ ಹಾಗೂ ಖುಷಿ ಕಪೂರ್ ಕೂಡ ಪಾಲ್ಗೊಂಡಿದ್ದಾರೆ. ಇನ್ನು ಅಂತೆಯೇ ಇದೇ ಚಿತ್ರೋತ್ಸವದಲ್ಲಿ ಶ್ರೀದೇವಿ ಅವರ ಕೊನೆಯ ಚಿತ್ರ 'ಮಾಮ್' ಕೂಡ ಪ್ರದರ್ಶನಗೊಳ್ಳುತ್ತಿರುವುದು ವಿಶೇಷ.
ಈ ವೇಳೆ ನಟಿ ಶ್ರೀದೇವಿ ಕುರಿತು ಮಾತನಾಡಿದ ಪತಿ ಬೋನಿ ಕಪೂರ್, ದೈಹಿಕವಾಗಿ ಶ್ರೀದೇವಿ ನಮ್ಮೊಂದಿಗೆ ಇಲ್ಲದಿರಬಹುದು. ಆದರೆ ಆಕೆಯ ನೆನಪು ಸದಾನಮ್ಮೊಂದಿಗೆ ಇರುತ್ತದೆ. ಆಕೆ ಚಿತ್ರರಂಗಕ್ಕೆ ಮಾಡಿರುವ ಸೇವೆಯೇ ಚಿತ್ರರಂಗ ಆಕೆಯನ್ನು ಶಾಶ್ವತವಾಗಿ ನೆನಪಿಸಿಕೊಳ್ಳುವಂತೆ ಮಾಡಿದೆ ಎಂದು ಹೇಳಿದರು.
ಭಾರತದ ಮೊಟ್ಟದ ಮೊದಲ ಮಹಿಳಾ ಸೂಪರ್ ಸ್ಟಾರ್ ನಟಿ ಶ್ರೀದೇವಿ ಕಳೆದ ಫೆಬ್ರವರಿ 24ರಂದು ದುಬೈನಲ್ಲಿ ನಿಧನರಾಗಿದ್ದರು. ಸಂಬಂಧಿಯೊಬ್ಬರ ವಿವಾಹದಲ್ಲಿ ಪಾಲ್ಗೊಂಡಿದ್ದ ನಟಿ ಶ್ರೀದೇವಿ ಅವರ ಮೃತದೇಹ ಬಾತ್ ರೂಮ್ ನ ಟಬ್ ನಲ್ಲಿ ಬಿದ್ದಿತ್ತು.
ಇನ್ನು ಕ್ಯಾನೆ ಚಿತ್ರೋತ್ಸವದಲ್ಲಿ ನಟಿ ಶ್ರೀದೇವಿ ಅಲ್ಲದೆ, ದಿವಂಗತ ನಟ ಶಶಿಕಪೂರ್, ಖ್ಯಾತ ಹಾಲಿವುಡ್ ನಟರಾದ ಜಾನ್ ಹಾರ್ಡ್, ಟೋನಿ ಆನ್ನಿ ವಾಕರ್, ಜೇನ್ ಫೋರೆ, ರಾಬರ್ಟ್ ಆಸ್ಬರ್ನ್, ಮಾರ್ಟಿನ್ ಲಾಡಾವ್ ಸೇರಿದಂತೆ ಚಿತ್ರರಂಗಕ್ಕೆ ಸೇವೆ ಸಲ್ಲಿಸಿದ ಹಲವರನ್ನು ಸ್ಮರಿಸಲಾಯಿತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Bollywoodಬಾಲಿವುಡ್Parisಪ್ಯಾರಿಸ್Shashi Kapoorಶಶಿಕಪೂರ್Srideviಶ್ರೀದೇವಿCannes Film Fest 2018ಕ್ಯಾನೆ ಚಿತ್ರೋತ್ಸವ 2018
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.