ಹಾಲಿವುಡ್ ನಲ್ಲಿ ನಟಿಸುವ ಅವಕಾಶ ಇನ್ನೂ ಒದಗಿ ಬಂದಿಲ್ಲ: ಸೋನಂ ಕಪೂರ್

ಮುಂಬೈ: ಹಾಲಿವುಡ್ ಚಿತ್ರದಲ್ಲಿ ನಟಿಸಲು ಆಡಿಷನ್ ತೆಗೆದುಕೊಳ್ಳುತ್ತಿದ್ದೇನೆ, ಆದರೆ ನಟಿಸುವ  ಅವಕಾಶ ಇನ್ನೂ ಒದಗಿಬಂದಿಲ್ಲ  ಎಂದು ಬಾಲಿವುಡ್ ನಟಿ ಸೋನಂ ಕಪೂರ್ ಹೇಳಿದ್ದಾರೆ.

ಹಾಲಿವುಡ್ ಚಿತ್ರದಲ್ಲಿ ನಟಿಸುವುದು ನನ್ನ ಬಯಕೆಯಾಗಿದ್ದು ಅದಕ್ಕಾಗಿ ಪ್ರಯತ್ನ ಪಡುತ್ತಿದ್ದೇನೆ. ಆದರೆ ನನಗೆ ಸ್ಪೂರ್ತಿಯನ್ನು ನೀಡುವ ಉತ್ತಮ ಸ್ಕ್ರಿಪ್ಟ್ ಇರುವ ಕಥೆ, ಪಾತ್ರ ಇನ್ನೂ ಸಿಕ್ಕಿಲ್ಲ ಎಂದು ಸುದ್ದಿಸಂಸ್ಥೆಯೊಂದಕ್ಕೆ ತಿಳಿಸಿದ್ದಾರೆ.

ಯಶಸ್ವಿ ಚಿಟ್ರ ನೀರ್ಜಾ ನಂತರ ಯಾವ ಬಾಲಿವುಡ್ ಚಿತ್ರಕ್ಕೂ ಅವರು ಸಹಿ ಹಾಕಿಲ್ಲ. ಸ್ಟಾರ್ ನಟ ಅನಿಲ್ ಕಪೂರ್ ಪುತ್ರಿಯಾಗಿ ಚಿತ್ರ ನಟನೆಗೆ ಬ್ರೇಕ್ ತೆಗೆದುಕೊಳ್ಳುವುದು ಹೇಗೆ ಅನ್ನಿಸುತ್ತದೆ ಎಂದು ಕೇಳಿದಾಗ, ನಾನು ಪ್ರಮುಖ ನಟರೊಬ್ಬರ ಪುತ್ರಿಯಾಗಿರಬಹುದು. ಆದರೆ ನನ್ನ ಬಿಲ್ ನ್ನು ನಾನೇ ಪಾವತಿಸಬೇಕು.ನನ್ನ ಖರ್ಚುವೆಚ್ಚಗಳನ್ನು ನಾನೇ ನೋಡಿಕೊಳ್ಳುತ್ತೇನೆ.  ಅವರ ಮಗಳಾಗಿ ಜನರು ನನಗೆ ಗೌರವ ಕೊಡುತ್ತಾರೆ ಎಂದು ಹೇಳಿದರು.