ಕತ್ರಿನಾ ಕೈಫ್'ಗೆ ಸ್ಫೂರ್ತಿ ಈ ಮೂವರು ಮಹಿಳೆಯರು

ನವದೆಹಲಿ: ತನ್ನ ಮುಗ್ಧ ನಗೆಯ ಮೂಲಕ ಬಾಲಿವುಡ್ ಜನರ ಮನಗೆದ್ದಿರುವ ಸೆಕ್ಸೀ ಕನ್ಯೆ ಕತ್ರೀನಾ ಕೈಫ್ ಅವರು ಖಾಸಗಿ ಕಾರ್ಯಕ್ರಮವೊಂದರಲ್ಲಿ ತಮ್ಮ ಯಶಸ್ಸಿಗೆ ಸ್ಪೂರ್ತಿಯಾದವರಾರು ಎಂಬ ಸತ್ಯವೊಂದನ್ನು ಬಿಚ್ಚಿಟ್ಟಿದ್ದಾರೆ.

ಎನ್ ಡಿಟಿವಿ ಮತ್ತು ಲೋರಿಯಲ್ ಪ್ಯಾರಿಸ್ 'ವುಮೆನ್ ಆಫ್ ವರ್ತ್ ಅವಾರ್ಡ್ಸ್ 2016' ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿರುವ ಅವರು, ನನಗೆ ಟೆನ್ನಿಸ್ ಆಟಗಾರ್ತಿ ಸೆರೆನಾ ವಿಲಿಯಮ್ಸ್, ಅಮೆರಿಕನ್ ತಂತ್ರಜ್ಞಾನ ಕಾರ್ಯಕಾರಿ ಶೆರ್ಲಿ ಸ್ಯಾಂಡ್ಬರ್ಗ್ ಹಾಗೂ ಭಾರತದ ಮೊದಲ ಪ್ರಧಾನಮಂತ್ರಿಯಾಗಿದ್ದ ಇಂದಿರಾ ಗಾಂಧಿಯವರು ಸ್ಫೂರ್ತಿ ಯಾಗಿದ್ದಾರೆಂದು ಹೇಳಿಕೊಂಡಿದ್ದಾರೆ.

ಅಲ್ಲದೆ, ಕಾರ್ಯಕ್ರಮ ಕುರಿತು ಮಾತನಾಡಿರುವ ಅವರು, ಗುರ್ತಿಕೆ ಇಲ್ಲದ ಹಾಗೂ ಆಯಾಸವಿಲ್ಲದೆ ದುಡಿಯುವ ಮಹಿಳೆಯರಿಗೆ ಈ ಕಾರ್ಯಕ್ರಮವನ್ನು ಸಮರ್ಪಿಸಲಾಗಿದೆ ಎಂದು ಹೇಳಿದ್ದಾರೆ.

ಎನ್ ಡಿಟಿ, ಗ್ರೋಬಲ್ ಬ್ಯೂಟಿ ಹೌಸ್ ಲೋರಿಯಲ್ ಪ್ಯಾರಿಸ್ ನೊಂದಿಗೆ ಪಾಲುದಾರಿಕೆಯನ್ನು ಪಡೆದುಕೊಂಡಿದ್ದು, ಎರಡೂ ಸಂಸ್ಥೆಗಳು ಸೇರಿ ಇದೀಗ 'ವುಮೆನ್ ಆಫ್ ವರ್ತ್' ಎಂಬ ಅಭಿಯಾನವನ್ನು ಆರಂಭಿಸಿದೆ. ಕೆಚ್ಚೆದೆಯ ಭಾರತೀಯ ಮಹಿಳೆಯರನ್ನು ದೇಶಕ್ಕೆ ಪರಿಚಯಿಸುವುದು ಹಾಗೂ ಅವರನ್ನು ಗುರ್ತಿಸುವುದು ಈ ಅಭಿಯಾನದ ಪ್ರಮುಖ ಉದ್ದೇಶವಾಗಿದೆ.