ಬ್ಲಿಂಕಿಟ್ CFO ವಿಪಿನ್ ಕಪೂರಿಯಾ ರಾಜೀನಾಮೆ

ಮುಂಬೈ: ಎಟರ್ನಲ್ ಒಡೆತನದ ಕ್ವಿಕ್ ಕಾಮರ್ಸ್ ಬ್ಲಿಂಕಿಟ್‌ನ ಮುಖ್ಯ ಹಣಕಾಸು ಅಧಿಕಾರಿ ವಿಪಿನ್ ಕಪೂರಿಯಾ ಅವರು ಸಂಸ್ಥೆಗೆ ಸೇರಿದ ಒಂದು ವರ್ಷದ ನಂತರ ರಾಜೀನಾಮೆ ನೀಡಿದ್ದಾರೆ ಎಂದು ಮೂಲಗಳು ಮಂಗಳವಾರ ತಿಳಿಸಿವೆ.

ಫ್ಲಿಪ್‌ಕಾರ್ಟ್ ನ ಮಾಜಿ ಕಾರ್ಯನಿರ್ವಾಹಕ ಅಧಿಕಾರಿ ಕಪೂರಿಯಾ ಅವರು ಬ್ಲಿಂಕಿಟ್ 'ತೊರೆದಿದ್ದಾರೆ' ಎಂದು ಅವರ ನಿಕಟವರ್ತಿಗಳು ತಿಳಿಸಿದ್ದಾರೆ.

ಈ ಬೆಳವಣಿಗೆ ಬಗ್ಗೆ ಬ್ಲಿಂಕಿಟ್ ಅಥವಾ ಅದರ ಪೋಷಕ ಸಂಸ್ಥೆ ಎಟರ್ನಲ್ ನಿಂದ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.

ಭಾರತದ ಇ-ಕಾಮರ್ಸ್ ಕ್ಷೇತ್ರದಲ್ಲಿ ಸ್ಪರ್ಧೆ ತೀವ್ರಗೊಂಡಿರುವ ಸಮಯದಲ್ಲಿ ಮತ್ತು ಪ್ರತಿಸ್ಪರ್ಧಿ ಜೆಪ್ಟೊ ತನ್ನ ಐಪಿಒ ಮೂಲಕ 11,000 ಕೋಟಿ ರೂ.ಗಳನ್ನು ಸಂಗ್ರಹಿಸಲು ಮಾರುಕಟ್ಟೆ ನಿಯಂತ್ರಕ ಸೆಬಿಯೊಂದಿಗೆ ಪ್ರಾಥಮಿಕ ಪತ್ರಗಳನ್ನು ಸಲ್ಲಿಸಿದ ಕೆಲವು ದಿನಗಳ ನಂತರ ಕಪೂರಿಯಾ ಅವರ ರಾಜೀನಾಮೆ ಸುದ್ದಿ ಬಂದಿದೆ.

ಫ್ಲಿಪ್‌ಕಾರ್ಟ್ ಕೂಡ ಮುಂದಿನ ವರ್ಷ ಕ್ವಿಕ್ ಕಾಮರ್ಸ್ ಪಟ್ಟಿಗೆ ಸಿದ್ಧವಾಗುತ್ತಿದೆ ಎಂದು ವರದಿಯಾಗಿದೆ.