20 ಸಾವಿರಕ್ಕೂ ಅಧಿಕ ಟೆಕ್ಕಿಗಳ ಉದ್ಯೋಗಕ್ಕೆ 'ಸದ್ದಿಲ್ಲದೆ' ಕುತ್ತು: AIITEU

ಬೆಂಗಳೂರು: 2024ನೇ ಆರ್ಥಿಕ ವರ್ಷದಲ್ಲಿ ಐಟಿ/ಐಟಿಇಎಸ್ ಉದ್ಯಮದಲ್ಲಿ 20,000 ಕ್ಕೂ ಹೆಚ್ಚು ಟೆಕ್ಕಿಗಳು ಕೆಲಸ ಕೊಂಡಿದ್ದಾರೆ ಎಂದು ಅಖಿಲ ಭಾರತ ಐಟಿ ಮತ್ತು ಐಟಿಇಎಸ್ ಉದ್ಯೋಗಿಗಳ ಒಕ್ಕೂಟ (ಎಐಐಟಿಇಯು) ಹೇಳಿದೆ.

ಸದ್ದಿಲ್ಲದೇ ವಜಾಗೊಳಿಸುವಿಕೆಯು ಉದ್ಯೋಗಿಗಳಿಗೆ ಒಂದು ರೀತಿಯ ಶಿಕ್ಷೆಯಾಗಿದೆ. ಇದರಲ್ಲಿ ಕೇವಲ ಒಂದೇ ದಿನದಲ್ಲಿ ಜನರನ್ನು ಕರೆಸಿ ಕೆಲಸದಿಂದ ವಜಾಗೊಳಿಸಲಾಗಿದೆ. ಅಖಿಲ ಭಾರತ ಐಟಿ ಮತ್ತು ಐಟಿಇಎಸ್ ಉದ್ಯೋಗಿಗಳ ಒಕ್ಕೂಟದ ಅಂಕಿ ಅಂಶಗಳ ಪ್ರಕಾರ, 2023 ರಲ್ಲಿ, ಐಟಿ ವಲಯದ ವಿವಿಧ ಕಂಪನಿಗಳು ಈ ರೀತಿಯಲ್ಲಿ ಸುಮಾರು 20 ಸಾವಿರ ಉದ್ಯೋಗಿಗಳನ್ನು ವಜಾಗೊಳಿಸಿವೆ.

ಉದ್ಯಮದಲ್ಲಿ ವಿಳಂಬವಾದ ಆನ್‌ಬೋರ್ಡಿಂಗ್, ಓವರ್‌ಟೈಮ್‌ಗೆ ಯಾವುದೇ ಪಾವತಿ ಇಲ್ಲ, ಮನೆಯಿಂದ ಕೆಲಸ ಮಾಡುವ ಉದ್ಯೋಗಿಗಳಿಗೆ ಯಾವುದೇ ಸ್ಥಳೀಯ ಸಂಪರ್ಕವಿರುವುದಿಲ್ಲ.ಯಾವುದೇ ಉದ್ಯೋಗಿಯು ವಜಾಗೊಳ್ಳಲು ಬಯಸುವುದಿಲ್ಲ. ಇದರಿಂದಾಗಿ ಅವರು ಮುಂದಿನ ಉದ್ಯೋಗವನ್ನು ಹುಡುಕುವಲ್ಲಿ ತೊಂದರೆ ಎದುರಾಗುತ್ತದೆ. ಆದ್ದರಿಂದ, ಇಂತಹ ಸಂದಿಗ್ಧತೆಗೆ ಸಿಲುಕಿದಾಗ, ಅವರು ಕೆಲಸವನ್ನು ತೊರೆಯುವ ಆಯ್ಕೆಯನ್ನು ಆರಿಸಿಕೊಳ್ಳುತ್ತಾರೆ. ಐಟಿ ವಲಯದಲ್ಲಿ ಈಗ 14ರಿಂದ 16 ಗಂಟೆಗಳ ಕಾಲ ಕೆಲಸ ಮಾಡಲಾಗುತ್ತಿದೆ ಎಂದು ಎಐಐಟಿಇಯು ಪ್ರಧಾನ ಕಾರ್ಯದರ್ಶಿ ಸೌಭಿಕ್ ಭಟ್ಟಾಚಾರ್ಯ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದರು. ಸದ್ದಿಲ್ಲದೆ ಕೆಲಸ ಕಳೆದುಕೊಂಡವರ ಸಂಖ್ಯೆ 20,000 ಕ್ಕಿಂತ ಹೆಚ್ಚಿರುತ್ತವೆ. ಕಂಪನಿಗಳು ನೌಕರರನ್ನು ರಾಜೀನಾಮೆ ನೀಡುವಂತೆ ಒತ್ತಾಯಿಸುತ್ತವೆ ಏಕೆಂದರೆ ಅವರಿಗೆ ಬೇರೆ ಪ್ಯಾಕೇಜ್‌ಗಳನ್ನು ತಪ್ಪಿಸುವ ಮೂಲಕ ವೆಚ್ಚವನ್ನು ಕಡಿತಗೊಳಿಸಬಹುದು ಎಂದು ಹೇಳಲಾಗುತ್ತದೆ.

ಈ ವರ್ಷದ ಮೊದಲ ಐದು ತಿಂಗಳಲ್ಲೇ ಸುಮಾರು 2,000 ರಿಂದ 3,000 ಉದ್ಯೋಗಿಗಳು ಕೆಲಸ ಕಳೆದುಕೊಂಡಿದ್ದಾರೆ ಎಂದು ನೇಸೆಂಟ್ ಮಾಹಿತಿ ತಂತ್ರಜ್ಞಾನ ನೌಕರರ ಸೆನೆಟ್ (NITES) ಅಧ್ಯಕ್ಷ ಹರ್‌ಪ್ರೀತ್ ಸಿಂಗ್ ಸಲೂಜಾ ಹೇಳಿದ್ದಾರೆ.

ಅಲ್ಲದೆ, ಈ ಸದ್ದಿಲ್ಲದ ವಜಾಗಳು ಸ್ಥಳಗಳು, ನಗರಗಳು ಮತ್ತು ಪ್ರಾಜೆಕ್ಟ್ ಗಳಲ್ಲಿ ಸಂಭವಿಸುತ್ತವೆ. ಉದಾಹರಣೆಗೆ, ಒಂದು ಯೋಜನೆಯಲ್ಲಿ 80 ಸದಸ್ಯರಿದ್ದರೆ, ಎರಡರಿಂದ ಮೂರು ಜನರನ್ನು ವಿವಿಧ ಕಾರಣಗಳನ್ನು ಉಲ್ಲೇಖಿಸಿ ಕೆಲಸದಿಂದ ತೆಗೆದುಹಾಕಲಾಗುತ್ತದೆ ಎಂದು ಅವರು ಹೇಳಿದರು.

ಭಾರತದ ಐಟಿ ಉದ್ಯಮದಲ್ಲಿ, ಸದ್ದಿಲ್ಲದ ವಜಾಗೊಳಿಸುವಿಕೆಯು ಉದ್ಯೋಗಿಗಳನ್ನು ತಾವಾಗಿಯೇ ಕೆಲಸ ಬಿಟ್ಟು ಹೊರಡುವಂತೆ ಮಾಡುತ್ತದೆ, ತಾವಾಗಿಯೇ ಕೆಲಸ ಬಿಟ್ಟರೆ ವಜಾಗೊಳಿಸುವಿಕೆಯ ಕಳಂಕವನ್ನು ತಪ್ಪುತ್ತದೆ. ಆದರೂ ಈ ವಿಧಾನವು ನಿರುತ್ಸಾಹಗೊಳಿಸುವ ಕೆಲಸದ ವಾತಾವರಣವನ್ನು ಸೃಷ್ಟಿಸುತ್ತದೆ ಮತ್ತು ನಂಬಿಕೆ ಮತ್ತು ಗೌರವವನ್ನು ದುರ್ಬಲಗೊಳಿಸುತ್ತದೆ, ಕಂಪನಿಯ ನೈತಿಕ ಅಡಿಪಾಯ ಕುಸಿಯುವಂತೆ ಮಾಡುತ್ತದೆ. ಇದನ್ನು ತಪ್ಪಿಸಲು, ಕಂಪನಿಗಳು ಮತ್ತು ಉದ್ಯೋಗಿಗಳ ನಡುವಿನ ಸ್ಪಷ್ಟ ಸಂವಹನ ಅಗತ್ಯವಿದೆ ಎಂದು CIEL HR ಸೇವೆಗಳ ಉಪಾಧ್ಯಕ್ಷ ಅನುಪ್ ಮೆನನ್ ಹೇಳಿದ್ದಾರೆ.