ಭಾರತದಲ್ಲಿ ಡಿಸ್ನಿ-ರಿಲಯನ್ಸ್ ಒಡೆತನದ ಮಾಧ್ಯಮ ಸಂಸ್ಥೆಗಳ ವಿಲೀನ; ನೀತಾ ಅಂಬಾನಿ ಮುಖ್ಯಸ್ಥೆ

ಮುಂಬೈ: ಅಮೆರಿಕದ ವಾಲ್ಟ್ ಡಿಸ್ನಿ ಕೋ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಬುಧವಾರ ಭಾರತದಲ್ಲಿ ತಮ್ಮ ಮಾಧ್ಯಮ ಕಾರ್ಯಾಚರಣೆಗಳನ್ನು ವಿಲೀನಗೊಳಿಸಿದ್ದು, 70,000 ಕೋಟಿ ರೂ. ಮೌಲ್ಯದ ಈ ಹೊಸ ಉದ್ಯಮ ಆಡಳಿತ ಮಂಡಳಿಗೆ ಉದ್ಯಮಿ ಮುಖೇಶ್ ಅಂಬಾನಿ ಅವರ ಪತ್ನಿ ನೀತಾ ಅಂಬಾನಿ ಅವರು ಮುಖ್ಯಸ್ಥೆಯಾಗಲಿದ್ದಾರೆ.

ರಿಲಯನ್ಸ್ ಮತ್ತು ಅದರ ಅಂಗಸಂಸ್ಥೆಗಳು ಸಂಯೋಜಿತ ಘಟಕದಲ್ಲಿ ಶೇ. 63.16 ರಷ್ಟು ಪಾಲು ಹೊಂದಿದ್ದು, ಉಳಿದ ಶೇ. 36.84 ರಷ್ಟು ಷೇರನ್ನು ಡಿಸ್ನಿ ಹೊಂದಲಿದೆ ಎಂದು ಕಂಪನಿಗಳು ಪ್ರಕಟಣೆಯಲ್ಲಿ ತಿಳಿಸಿವೆ.

ರಿಲಯನ್ಸ್ ಇಂಡಸ್ಟ್ರೀಸ್, ಒಟಿಟಿ ವ್ಯವಹಾರವನ್ನು ಬೆಳೆಸಲು ಜಂಟಿ ಉದ್ಯಮದಲ್ಲಿ ಸುಮಾರು 11,500 ಕೋಟಿ ರೂಪಾಯಿ ಹೂಡಿಕೆ ಮಾಡಲು ಒಪ್ಪಿಕೊಂಡಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ಅವರ ಪತ್ನಿ ನೀತಾ ಅಂಬಾನಿ ಈ ಜಂಟಿ ಉದ್ಯಮದ ಮುಖ್ಯಸ್ಥೆಯಾಗಲಿದ್ದು, ಉದಯ್ ಶಂಕರ್ ಅವರು ಉಪಾಧ್ಯಕ್ಷರಾಗಿರುತ್ತಾರೆ.