ಐಆರ್‌ಸಿಟಿಸಿಯ  15-20% ಪಾಲು ಮಾರಾಟಕ್ಕೆ ಸರ್ಕಾರ ಸಿದ್ದತೆ

ನವದೆಹಲಿ: ಐಆರ್‌ಸಿಟಿಸಿಗೆ ಸೇರಿದ  ಶೇ 15-20ರಷ್ಟು ಪಾಲನ್ನು ಆಫರ್ ಫಾರ್ ಸೇಲ್ (ಒಎಫ್‌ಎಸ್) ಮೂಲಕ ಮಾರಾಟ ಮಾಡಲು ಸರ್ಕಾರ ಯೋಜಿಸಿದೆ ಮತ್ತು ಕನಿಷ್ಠ ಸಂಖ್ಯೆಯ ವಹಿವಾಟಿನಲ್ಲಿ ವ್ಯವಹಾರವನ್ನು ಪೂರ್ಣಗೊಳಿಸಲು ಬಯಸಿದೆ. 

ಕಳೆದ ತಿಂಗಳು, ಹೂಡಿಕೆ ಮತ್ತು ಸಾರ್ವಜನಿಕ ಸ್ವತ್ತು ನಿರ್ವಹಣಾ ಇಲಾಖೆ (ಡಿಐಪಿಎಎಂ) ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮದಲ್ಲಿ (ಐಆರ್‌ಸಿಟಿಸಿ) ಮಾರಾಟವನ್ನು ನಿರ್ವಹಿಸಲು ಸೆಪ್ಟೆಂಬರ್ 10 ರೊಳಗೆ ಬ್ಯಾಂಕುಗಳಿಂದ ಬಿಡ್‌ಗಳನ್ನು ಆಹ್ವಾನಿಸಿತ್ತು.ಆದಾಗ್ಯೂ, ಇದು ರಿಕ್ವೆಸ್ಟ್ ಫಾರ್ ಪ್ರೊಪೋಸಲ್ (ಆರ್‌ಎಫ್‌ಪಿ) ಯಲ್ಲಿ ಪ್ರಸ್ತಾಪದಲ್ಲಿರುವ ಪಾಲಿನ ಪ್ರಮಾಣವನ್ನು ಬಹಿರಂಗಪಡಿಸಿಲ್ಲ

ದರ ಬೆನ್ನಲ್ಲೇ, ಸೆಪ್ಟೆಂಬರ್ 4 ರಂದು ಸಂಭಾವ್ಯ ಬಿಡ್ ದಾರರೊಂದಿಗೆ ಬಿಡ್ಡಿಂಗ್ ಪೂರ್ವ ಸಭೆ ನಡೆಸಲಾಯಿತು. ಸಂಭಾವ್ಯ ಬಿಡ್ ದಾರರು ಎತ್ತಿದ ಪ್ರಶ್ನೆಗಳಿಗೆ ತನ್ನ ಪ್ರತಿಕ್ರಿಯೆಯನ್ನು ಡಿಐಪಿಎಎಂ ಇದೀಗ  ತನ್ನ ವೆಬ್‌ಸೈಟ್‌ನಲ್ಲಿ ಪೋಸ್ಟ್ ಮಾಡಿದೆ.

ಉದ್ದೇಶಿತ ಪಾಲಿನ ಶೇಕಡಾವಾರು ಪ್ರಶ್ನೆಗೆ, ಡಿಐಪಿಎಎಂ, "ಸೂಚಿತ  ಶೇಕಡಾ 15 ರಿಂದ 20 ರವರೆಗೆ ಇದೆ. ನಿಖರವಾದ ವಿವರಗಳನ್ನು ಆಯ್ದ ಬ್ಯಾಂಕರ್‌ಗಳೊಂದಿಗೆ ಹಂಚಿಕೊಳ್ಳಲಾಗುವುದು" ಎಂದು ಹೇಳಿದೆ. 

 ಸರ್ಕಾರವು ಪ್ರಸ್ತುತ ಐಆರ್‌ಸಿಟಿಸಿಯಲ್ಲಿ ಶೇ 87.40 ರಷ್ಟು ಪಾಲನ್ನು ಹೊಂದಿದೆ. ಸೆಬಿಯ ಸಾರ್ವಜನಿಕ ಹಿಡುವಳಿ ನಿಯಮವನ್ನು ಪೂರೈಸಲು, ಅದು ಕಂಪನಿಯ ತನ್ನ ಪಾಲನ್ನು ಶೇಕಡಾ 75 ಕ್ಕೆ ಇಳಿಸಬೇಕಾಗಿದೆ.

ಮಂಗಳವಾರ ಐಆರ್‌ಸಿಟಿಸಿಯ ಷೇರುಗಳು ಶೇ 2.57 ರಷ್ಟು ಇಳಿಕೆ ಕಂಡಿದ್ದು, ಬಿಎಸ್‌ಇನಲ್ಲಿ 1,378.05 ರೂ. ಗೆ ತಲುಪಿದೆ.