ಎಸಿ ರೆಸ್ಟೊರೆಂಟ್ ಗಳಿಂದ ಪಡೆಯುವ ಆಹಾರಗಳಿಗೆ ಶೇಕಡಾ 18ರಷ್ಟು ಜಿಎಸ್ ಟಿ
ಹವಾ ನಿಯಂತ್ರಿತ ರೆಸ್ಟೊರೆಂಟ್ ಗಳಲ್ಲಿ ನೀಡುವ ಆಹಾರಕ್ಕೆ, ಮನೆಗೆ ಕಟ್ಟಿಕೊಂಡು ಹೋಗುವ ತಿಂಡಿ...
Published On :
ನವದೆಹಲಿ: ಹವಾ ನಿಯಂತ್ರಿತ ರೆಸ್ಟೊರೆಂಟ್ ಗಳಲ್ಲಿ ನೀಡುವ ಆಹಾರಕ್ಕೆ, ಮನೆಗೆ ಕಟ್ಟಿಕೊಂಡು ಹೋಗುವ ತಿಂಡಿ, ತಿನಿಸುಗಳು ಮತ್ತು ಹವಾ ನಿಯಂತ್ರಿತವಲ್ಲದ ಪ್ರದೇಶಗಳಿಂದ ಪೂರೈಸುವ ಆಹಾರಗಳಿಗೆ ಸಮಾನ ದರದ ಶೇಕಡಾ 18ರಷ್ಟು ಸರಕು ಮತ್ತು ಸೇವಾ ತೆರಿಗೆಯನ್ನು ವಿಧಿಸಲಾಗುವುದು ಎಂದು ಸರ್ಕಾರ ಹೇಳಿದೆ.
ಹವಾ ನಿಯಂತ್ರಿತವಲ್ಲದ ರೆಸ್ಟೊರೆಂಟ್ ಗಳಲ್ಲಿ ಕೇಂದ್ರದ ಸರಕು ಮತ್ತು ಸೇವಾ ತೆರಿಗೆ ಶೇಕಡಾ 6ರಷ್ಟು, ರಾಜ್ಯದ ಜಿಎಸ್ ಟಿ ಶೇಕಡಾ 6ರಷ್ಟು ಸೇರಿ ಶೇಕಡಾ 12ರಷ್ಟು ತೆರಿಗೆ ವಿಧಿಸಲಾಗುವುದು ಎಂದು ಕೇಂದ್ರ ಅಬಕಾರಿ ಮತ್ತು ಸುಂಕ ತೆರಿಗೆ ಇಲಾಖೆ ಟ್ವಿಟ್ಟರ್ ನಲ್ಲಿ ಸ್ಪಷ್ಟಪಡಿಸಿದೆ. ಇದೇ ದರ ಸ್ಥಳೀಯ ರೆಸ್ಟೊರೆಂಟ್ ಗಳಿಗೂ ಅನ್ವಯವಾಗುತ್ತದೆ.
ತೆರಿಗೆ ಇಲಾಖೆ ಸಾರ್ವಜನಿಕರ ಪ್ರಶ್ನೆ, ಸಂದೇಹಗಳಿಗೆ ಉತ್ತರಿಸಿದೆ. ಬಾರ್ ಅಂಡ್ ರೆಸ್ಟೊರೆಂಟ್ ಗಳಲ್ಲಿ ಮೊದಲ ಮಹಡಿಯಲ್ಲಿ ಏರ್ ಕಂಡೀಷನ್ಡ್ ಕೊಠಡಿಗೆ ತೆರಿಗೆ ದರ ಮತ್ತು ನೆಲಮಹಡಿಯಲ್ಲಿ ಹವಾ ನಿಯಂತ್ರಿತವಲ್ಲದ ಕೊಠಡಿಗೆ ತಿಂಡಿ, ತಿನಿಸುಗಳ ಮೇಲಿನ ದರವನ್ನು ತೆರಿಗೆ ಇಲಾಖೆ ನಿಗದಿಪಡಿಸಿದೆ.
ಹವಾ ನಿಯಂತ್ರಿತ ಕೊಠಡಿಯಲ್ಲಿ ಕುಳಿತರೆ ಅಲ್ಲಿ ಆಹಾರವನ್ನು ಯಾವುದೇ ಮಹಡಿಯಿಂದ ಪೂರೈಸಿದರೂ ಕೂಡ ಶೇಕಡಾ 18ರಷ್ಟು ತೆರಿಗೆ ವಿಧಿಸಲಾಗುತ್ತದೆ. ಇಂತಹ ರೆಸ್ಟೊರೆಂಟ್ ಗಳಿಂದ ಆಹಾರಗಳನ್ನು ಕಟ್ಟಿಸಿಕೊಂಡು ತೆಗೆದುಕೊಂಡು ಹೋಗುವ ಪದಾರ್ಥಗಳ ಮೇಲೆ ವಿಧಿಸುವ ಪರೋಕ್ಷ ತೆರಿಗೆ ಬಗ್ಗೆ ಸ್ಪಷ್ಟಣೆ ನೀಡಿರುವ ಇಲಾಖೆ, ಅದಕ್ಕೆ ಸಹ ಶೇಕಡಾ 18ರಷ್ಟು ತೆರಿಗೆ ವಿಧಿಸಲಾಗುತ್ತದೆ ಎಂದಿದೆ.
ಬಾರ್ ಅಂಡ್ ರೆಸ್ಟೊರೆಂಟ್ ಗಳಲ್ಲಿ ಮದ್ಯವನ್ನು ಪೂರೈಸುವುದರಿಂದ ಇಂತಹ ರೆಸ್ಟೊರೆಂಟ್ ಗಳು ಸಂಯೋಜಿತ ಯೋಜನೆಗಳಿಗೆ ಅರ್ಹತೆ ಹೊಂದಿರುವುದಿಲ್ಲ ಎಂದು ಕೇಂದ್ರ ಅಬಕಾರಿ ಮತ್ತು ತೆರಿಗೆ ಇಲಾಖೆ ತಿಳಿಸಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.