ಸ್ಯಾಮಸಂಗ್ ಪ್ರಿಂಟರ್ ವ್ಯವಹಾರನ್ನು 1 ಬಿಲಿಯನ್ ಡಾಲರ್ ಒಪ್ಪಂದದಲ್ಲಿ ಕೊಳ್ಳಲಿರುವ ಎಚ್ ಪಿ
ತಮ್ಮ ಮುದ್ರಕ ವ್ಯವಹಾರವನ್ನು ಅಮೆರಿಕಾ ಸಂಸ್ಥೆ ಎಚ್ ಪಿಗೆ ಮಾರಾಟ ಮಾಡುತ್ತಿರುವುದಾಗಿ ಸ್ಯಾಮಸಂಗ್ ಎಲೆಕ್ಟ್ರಾನಿಕ್ಸ್ ಸೋಮವಾರ ಘೋಷಿಸಿದೆ. ಈ ಒಪ್ಪಂದದ ಮೊತ್ತವನ್ನು ಘೋಷಿಸಿಲ್ಲವಾದರೂ,
Published On :
ಸಿಯೋಲ್: ತಮ್ಮ ಮುದ್ರಕ ವ್ಯವಹಾರವನ್ನು ಅಮೆರಿಕಾ ಸಂಸ್ಥೆ ಎಚ್ ಪಿಗೆ ಮಾರಾಟ ಮಾಡುತ್ತಿರುವುದಾಗಿ ಸ್ಯಾಮಸಂಗ್ ಎಲೆಕ್ಟ್ರಾನಿಕ್ಸ್ ಸೋಮವಾರ ಘೋಷಿಸಿದೆ. ಈ ಒಪ್ಪಂದದ ಮೊತ್ತವನ್ನು ಘೋಷಿಸಿಲ್ಲವಾದರೂ, ಮಾರುಕಟ್ಟೆ ಪಂಡಿತರ ಪ್ರಕಾರ ಇದು 1.05 ಬಿಲಿಯನ್ ಡಾಲರ್ ಒಪ್ಪಂದ ಎನ್ನಲಾಗಿದೆ.
"ನಾವು ಬಲಿಷ್ಠವಾಗಿರುವ ವ್ಯವಹಾರ ಕ್ಷೇತ್ರದಲ್ಲಿ ಹೆಚ್ಚು ಗಮನ ಹರಿಸಲು" ಈ ಒಪ್ಪಂದ ಮಾಡಿಕೊಳ್ಳಲಾಗಿದೆ ಎಂದು ಸ್ಯಾಮಸಂಗ್ ತಿಳಿಸಿದೆ. ಈ ನೂತನ ಒಪ್ಪಂದದಲ್ಲಿ ಎಚ್ ಪಿ ಸಂಸ್ಥೆಯಿಂದ ಪ್ರಿಂಟರ್ ಗಳನ್ನು ಕೊಂಡು ಕೊರಿಯಾದಲ್ಲಿ ವ್ಯವಹಾರ ಮಾಡಲಿದೆ ಎಂದು ಸಂಸ್ಥೆ ಹೇಳಿಕೆಯಲ್ಲಿ ತಿಳಿಸಿದೆ.
"ಷೇರುದಾರರ ಒಪ್ಪಿಗೆ ಪಡೆದು ನವೆಂಬರ್ 1 ರಂದು ಪ್ರಿಂಟಿಂಗ್ ವ್ಯವಹಾರವನ್ನು ಪ್ರತ್ಯೇಕ ಸಂಸ್ಥೆಯಾಗಿ ಸ್ಥಾಪಿಸಿ, 100% ಷೇರುಗಳನ್ನು ಮತ್ತು ಸಂಸ್ಥೆಯ ಹೊರ ದೇಶದ ಆಸ್ತಿಯನ್ನು ಎಚ್ ಪಿ ಸಂಸ್ಥೆಗೆ ಮಾರಾಟ ಮಾಡಲಿದ್ದೇವೆ" ಎಂದು ಹೇಳಿಕೆ ತಿಳಿಸಿದೆ.
ನಿಯಂತ್ರಣ ಅಧಿಕಾರಿಗಳ ಒಪ್ಪಿಗೆ ಪಡೆದ ಮೇಲೆ ಈ ಒಪ್ಪಂದ ಮುಂದಿನ ಒಂದು ವರ್ಷದೊಳಗೆ ಸಂಪೂರ್ಣಗೊಳ್ಳಲಿದೆ ಎಂದು ತಿಳಿದುಬಂದಿದೆ.
ಸ್ಯಾಮಸಂಗ್ ಪ್ರಿಂಟಿಂಗ್ ವ್ಯವಹಾರದಲ್ಲಿ 6000 ಉದ್ಯೋಗಿಗಳಿದ್ದು, ಚೈನಾದಲ್ಲಿ ಉತ್ಪಾದನಾ ಕೇಂದ್ರ ಮತ್ತು ಜಾಗತಿಕವಾಗಿ 50 ಮಾರಾಟ ಕಚೇರಿಗಳನ್ನು ಹೊಂದಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.