ಷೇರುಪೇಟೆ ಕುಸಿತಕ್ಕೆ ಪ್ರಮುಖ ಕಾರಣಗಳು

ಮುಂಬೈ: ದೇಶೀಯ ಮಾರುಕಟ್ಟೆ ಸೂಚ್ಯಂಕಗಳ ಕುಸಿತ ಮುಂದುವರೆದಿದ್ದು, ಬುಧವಾರ ಮತ್ತೆ ಪಾತಾಳಕ್ಕೆ ಕುಸಿದಿದೆ. ಬುಧವಾರ ನಡೆದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 417.80 ಅಂಕ ಕಳೆದುಕೊಂಡಿದ್ದು, ಷೇರುಪೇಟೆ ಕುಸಿತಕ್ಕೆ ಹಲವು ಪ್ರಮುಖ ಕಾರಣಗಳಿವೆ.

1. ಇಳಿದ ಕಚ್ಚಾ ತೈಲ:
ಜಾಗತಿಕ ಮಾರುಕಟ್ಟೆಯಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಕಚ್ಚಾತೈಲ ದಾಸ್ತಾನು ಬರಲಿದೆ ಎಂದು ಸಂಶೋಧನಾ ವರದಿ ಪ್ರಕಟವಾದ ಹಿನ್ನಲೆಯಲ್ಲಿ ದರಗಳು ಗಣನೀಯ ಪ್ರಮಾಣದಲ್ಲಿ ಕುಸಿಯುತ್ತಾ  ಸಾಗಿವೆ. ಬ್ರೆಂಟ್ ಕ್ರೂಡ್ ಪ್ರತಿ ಬ್ಯಾರಲ್ ದರ 28.21 ಡಾಲರ್ ಆಸುಪಾಸಿನಲ್ಲಿ ವಹಿವಾಟು ಕಾಣುತ್ತಿದೆ.

2.ಅಮೆರಿಕ ಆರ್ಥಿಕತೆಯ ಹಿನ್ನಡೆ:
ಡೌಜೋನ್ಸ್ ಕೈಗಾರಿಕಾ ಸರಾಸರಿ ಸೂಚ್ಯಂಕ ಶೇ.2.23ರಷ್ಟು ಕುಸಿದಿದೆ. 2008ರ ನಂತರ ಇದು ಗರಿಷ್ಠ ಹಿನ್ನಡೆಯಾಗಿದೆ. 2008ರ ನಂತರ ಇದು ಗರಿಷ್ಠ ಹಿನ್ನಡೆಯಾಗಿದೆ. 2016ರಲ್ಲಿ ಇದುವರೆಗೂ  ಶೇ.8ಕ್ಕಿಂತಲೂ ಹೆಚ್ಚು ಕುಸಿದಿದೆ. ಎಚ್ಚರಿಕೆ ವಹಿಸಲು ಆರ್ಥಿಕ ವಿಶ್ಲೇಷಕರು ಸೂಚನೆ ನೀಡಿದ್ದಾರೆ.

3.ರುಪಾಯಿ ಅಪಮೌಲ್ಯ:
ಎಫ್ ಐಐಗಳು ಷೇರುಪೇಟೆಯಲ್ಲಿ ಹೂಡಿಕೆ ಹಿಂಪಡೆಯುತ್ತಿರುವುದರಿಂದ ರುಪಾಯಿ ಮೌಲ್ಯದಲ್ಲಿ ಕುಸಿತ ಕಾಣುತ್ತಿದೆ. 2013ರ ಸೆಪ್ಟೆಂಬರ್ 4ರಂ ನಂತರ ರುಪಾಯಿ ಮೌಲ್ಯ ಕನಿಷ್ಠ ಹಂತಕ್ಕೆ  ಬಂದು ತಲುಪಿದೆ.

4.ಜಾಗತಿಕ ಆರ್ಥಿಕ ಹಿಂಜರಿತ:
ಪ್ರಸಕ್ತ ವರ್ಷ ಜಾಗತಿಕ ಆರ್ಥಿಕ ಪ್ರಗತಿ ಕುಸಿಯಲಿದೆ ಎಂದು ಐಎಂಎಫ್ ಮಂಗಳವಾರ ಹೇಳಿತ್ತು. ಇದು ಜಗತ್ತಿನಾದ್ಯಂತ ಎಲ್ಲ ಷೇರುಪೇಟೆಗಳ ಮೇಲೆ ಪರಿಣಾಮ ಬೀರಿತು.

5.ಚೀನಾ ಜಿಡಿಪಿ ಕುಸಿತ:
ಕಳೆದ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಚೀನಾ ಜಿಡಿಪಿ ಶೇ.6.8ಕ್ಕೆ ಕುಸಿದಿದೆ. ಇದು ಕಳೆದ 254 ವರ್ಷಗಳಲ್ಲೇ ಕನಿಷ್ಠ ಮಟಚ್ಟವಾಗಿದೆ.