ಕಪ್ಪು ಹಣ ಹೊಂದಿದವರ ವಿರುದ್ಧ ಕ್ರಮ ಖಚಿತ : ಜೇಟ್ಲಿ

ನವದೆಹಲಿ: ವಿದೇಶ ರಾಷ್ಟ್ರಗಳಲ್ಲಿ ಅಕ್ರಮ ಠೇವಣಿ ಹೊಂದಿರುವ ಖಾತೆದಾರರು ಶಿಕ್ಷೆಯನ್ನು ಎದುರಿಸಲೇಬೇಕಾಗುತ್ತದೆ ಎಂದು ಗೃಹ ಸಚಿವ ಅರುಣ್ ಜೇಟ್ಲಿ ಹೇಳಿದ್ದಾರೆ.

 ಕಪ್ಪು ಹಣ ಪಿಡುಗಿನ ತಡೆಗೆ ಎಲ್ಲ ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಪುನರುಚ್ಚರಿಸಿರುವ ಹಣಕಾಸು ಸಚಿವಾಲಯ ವಿದೇಶದಲ್ಲಿರುವ ಕಪ್ಪು ಹಣವನ್ನು ಘೋಷಿಸಲು ಸರ್ಕಾರ ನೀಡಿರುವ ಗಡುವನ್ನು ಬಳಸಿಕೊಳ್ಳದವರು ವಿಷಾದಿಸಬೇಕಾಗುತ್ತದೆ ಎಂದು ಹೇಳಿದೆ. ಕಪ್ಪು ಹಣ ಮತ್ತು ತೆರಿಗೆ ಹೇರಿಕೆ ಕಾಯ್ದೆ  2015ರ ಅಡಿಯಲ್ಲಿ ವಿದೇಶಗಳಲ್ಲಿರುವ ಕಪ್ಪು ಹಣ ಘೋಷಿಸುವುದಕ್ಕೆ ಸರ್ಕಾರ 90 ದಿನಗಳ ಅವಕಾಶ ನೀಡಿತ್ತು. ಈ ಅವಧಿ ಸೆ. 30ಕ್ಕೆ ಕೊನೆಯಾಗಿದೆ. ಈ ಅವಧಿಯಲ್ಲಿ ಕೇವಲ 638 ಮಂದಿ ಮಾತ್ರ ರು. 3,770 ಕೋಟಿ ಮೊತ್ತದ ಕಪ್ಪು ಹಣವನ್ನು  ಘೋಷಿಸಿದ್ದಾರೆ.

ಅವಧಿ ಮುಗಿದ ನಂತರ ಕಪ್ಪು ಹಣ ಘೋಷಿಸುವವರು ಡಿಸೆಂಬರ್ 31, 2015ರೊಳಗೆ ಶೇ. 30 ರಷ್ಟು ತೆರಿಗೆ ಮತ್ತು ಅದಕ್ಕೆ ಶೇ. 30 ರಷ್ಟು ಜುಲ್ಮಾನೆಯನ್ನೂ ಪಾವತಿಸಬೇಕಾಗುತ್ತದೆ.

ಒಂದು ವೇಳೆ ಕಪ್ಪು ಹಣ ಹೊಂದಿದವರು ತಮ್ಮ ಆಸ್ತಿಯನ್ನು ಘೋಷಿಸದೇ ಇದ್ದಲ್ಲಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಜೇಟ್ಲಿ ಹೇಳಿದ್ದಾರೆ.