ತೆರಿಗೆಗಳ್ಳರಿಗೆ ಜೈಲಿನ ಭಯ ಹುಟ್ಟಿಸಿ: ಸಿಬಿಡಿಟಿ

ನವದೆಹಲಿ: ``ತೆರಿಗೆಗಳ್ಳರ ಕಚೇರಿ, ನಿವಾಸ ಗಳ ಮೇಲೆ ದಾಳಿ ನಡೆಸಿದರಷ್ಟೇ ಸಾಲದು.ಅವರಲ್ಲಿ ಜೈಲಿನ ಭಯ ಹುಟ್ಟಿಸಬೇಕು. ತ್ವರಿತ ವಿಚಾರಣೆ, ಶಿಕ್ಷೆ, ದಂಡ ವಿಧಿಸುವ ಮೂಲಕ ಅವರಿಗೆ ಸಾಮಾಜಿಕವಾಗಿ ಕೆಟ್ಟ ಹೆಸರು ಬರುವಂತೆ ಮಾಡಬೇಕು''. ಇದು ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (ಸಿಬಿಡಿಟಿ)ಯು ತನ್ನ ಅಧಿಕಾರಿಗಳಿಗೆ ನೀಡಿದ ಖಡಕ್ ಸಲಹೆ. ತೆರಿಗೆಗಳ್ಳರ ಕಚೇರಿಗಳ ಮೇಲೆ ದಾಳಿ ನಡೆಸಿದರೆ ಸಾಕು ಎಂಬ ನಿಮ್ಮ ಮನಃಸ್ಥಿತಿಯನ್ನು ಮೊದಲು ಬದಲಾಯಿಸಿ. ಅದರ ಬದಲಾಗಿ ತ್ವರಿತ ವಿಚಾರಣೆ ನಡೆಸಿ ಕಳ್ಳರಿಗೆ ಶಿಕ್ಷೆಯಾಗುವಂತೆ ಮಾಡುವ ಮೂಲಕ, ಅವರು ಕೆಂಪು ಗೆರೆಯನ್ನು ದಾಟಲು ಹೆದರುವಂತೆ ಮಾಡ ಬೇಕು. ಷೆ ಶಿಕ್ಮತ್ತು ಸಮಾಜದಲ್ಲಿ ಕೆಟ್ಟ ಹೆಸರು ಬರುವ ಭಯ ಮೂಡಿದರೆ ಯಾರೂ ತೆರಿಗೆ ಕಳ್ಳತನ ಮಾಡುವುದಿಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡು ಮುಂದು ವರಿಯಿರಿ ಎಂದೂ ಸಿಬಿಡಿಟಿ ತಿಳಿಸಿದೆ. ಇದೇ ವೇಳೆ, ಪ್ರತಿ ತಿಂಗಳು ಕನಿಷ್ಠ 25 ಲಕ್ಷ ಹೊಸ ತೆರಿಗೆದಾರರನ್ನು ಸೇರಿಸುತ್ತಾ ಹೋಗಿ ಎಂದೂ ತನ್ನ ಸಿಬ್ಬಂದಿಗೆ ಸಿಬಿಡಿಟಿ ಸೂಚಿಸಿದೆ ಎಂದು ದಿ ಇಂಡಿಯನ್ ಎಕ್ಸ್‍ಪ್ರೆಸ್ ವರದಿ ಮಾಡಿದೆ.