ಭಾರತ ತೆರಿಗೆದಾರರ ಸ್ವರ್ಗವಲ್ಲ, ಬಾಕಿ ಪಾವತಿಸಿ

ನವದೆಹಲಿ: `ನ್ಯಾಯಬದ್ಧವಾದ ತೆರಿಗೆ ಬೇಡಿಕೆಯನ್ನು `ತೆರಿಗೆ ಭಯೋತ್ಪಾದನೆ' ಎಂದು ಪರಿಗಣಿಸಲಾಗದು. ಏಕೆಂ ದರೆ ಭಾರತವೇನೂ ತೆರಿಗೆದಾರರ ಸ್ವರ್ಗವಲ್ಲ.' ಸುಮಾರು 100 ವಿದೇಶಿ ಸಾಂಸ್ಥಿಕ ಹೂಡಿಕೆ(ಎಫ್ ಐಐ)ದಾರರಿಗೆ ತೆರಿಗೆ ನೋಟಿಸ್ ಕಳುಹಿಸಿದ ಸರ್ಕಾರದ ನಿರ್ಧಾರವನ್ನು ಕೇಂದ್ರ ಸಚಿವ ಅರುಣ್ ಜೇಟ್ಲಿ ಈ ರೀತಿ ಸಮರ್ಥಿಸಿಕೊಂಡಿದ್ದಾರೆ.

 ಭಾರತ ದುರ್ಬಲ ರಾಷ್ಟ್ರವಲ್ಲ: ನವದೆಹಲಿಯಲ್ಲಿ ಸೋಮವಾರ ಮಾತನಾಡಿದ ಸಚಿವ ಜೇಟ್ಲಿ, ತೆರಿಗೆ ಪಾವತಿಸದ ಎಫ್ಐಐಗಳ ವಿರುದ್ಧ  ಸ್ವಲ್ಪ ಖಡಕ್ ಎಂಬಂತೆಯೇ  ಪ್ರತಿಕ್ರಿಯಿಸಿ ದ್ದಾರೆ. ನ್ಯಾಯಬದ್ಧವಾಗಿ ಕೇಳುವ ತೆರಿಗೆಯನ್ನೂ `ತೆರಿಗೆ ಭಯೋ ತ್ಪಾದನೆ' ಎಂದು ಹೇಳಲು ಭಾರತವೇನೂ ದುರ್ಬಲ ರಾಷ್ಟ್ರವಲ್ಲ. ನಾವು ತೆರಿಗೆಗಳ್ಳರಿಗೆ ಆಶ್ರಯ ನೀಡುವವರೂ ಅಲ್ಲ, ಹಾಗಾಗಲು ಬಯಸುವುದೂ ಇಲ್ಲ. ಯಾವ ತೆರಿಗೆಯನ್ನುಪಾವತಿಸಬೇಕೋ ಅದನ್ನು ಪಾವತಿಸಲೇ ಬೇಕು ಎಂದಿದ್ದಾರೆ ಜೇಟ್ಲಿ. ಭಾನುವಾರವಷ್ಟೇ ಆದಾಯ ತೆರಿಗೆ ಇಲಾಖೆಯು ರು. 300-400 ಕೋಟಿ ತೆರಿಗೆ ಬಾಕಿ ಉಳಿಸಿದ ಎಫ್ ಐಐಗಳಿಗೆ ನೋಟಿಸ್ ಜಾರಿ ಮಾಡಿತ್ತು.