ಬಿಟಿ ಹತ್ತಿ ಬೀಜಗಳ ದರ, ರಾಯಧನ ಪ್ರಮಾಣದಲ್ಲಿ ಕಡಿತ: ಕೇಂದ್ರ ಘೋಷಣೆ
ಬೆಲೆ ಏರಿಕೆ ಸಮಸ್ಯೆಯಿಂದ ತೊಂದರೆಗೊಳಗಾಗಿರುವ ಭಾರತೀಯ ರೈತರಿಗೆ ನೆರವು ನೀಡಲು ಕೇಂದ್ರ ಸರ್ಕಾರ ಮುಂದಾಗಿದೆ.
Published On :
ಚೆನ್ನೈ: ಬೆಲೆ ಏರಿಕೆ ಸಮಸ್ಯೆಯಿಂದ ತೊಂದರೆಗೊಳಗಾಗಿರುವ ಭಾರತೀಯ ರೈತರಿಗೆ ನೆರವು ನೀಡಲು ಕೇಂದ್ರ ಸರ್ಕಾರ ಮುಂದಾಗಿದೆ. ಬಿಟಿ ಹತ್ತಿ ಬೀಜಗಳ ಬೆಲೆಗಳನ್ನು ಕಡಿತಗೊಳಿಸುವ ಮುಖೇನ ರೈತರ ಸಂಕಷ್ಟಕ್ಕೆ ಸ್ಪಂದಿಸಿದೆ.
ಸಾಲ ಮನ್ನಾ ಹಾಗೂ ಬೆಳೆ ಹಾನಿಗೆ ಪರಿಹಾರ ಆಗ್ರಹಿಸಿ ಸಾವಿರಾರು ಪ್ರತಿಭಟನಾ ನಿರತ ರೈತರು ಮುಂಬೈಗೆ ಪಾದಯಾತ್ರೆ ನಡೆಸಿದ್ದ ಒಂದು ದಿನದ ತರುವಾಯ ಕೇಂದ್ರ ಸರ್ಕಾರ ಈ ತೀರ್ಮಾನ ಕೈಗೊಂಡಿದೆ.
450 ಗ್ರಾಂ ಬಿಟಿ ಹತ್ತಿ ಬೀಜಗಳ ಪ್ಯಾಕ್ ಒಂದರ ಪರಿಷ್ಕೃತ ಬೆಲೆ ರೂ. 740 ಆಗಿದೆ. ಈ ಹಿಂದೆ ಇದೇ ಪ್ಯಾಕ್ ಗೆ ರೂ. 800 ಇದ್ದಿತ್ತು.
ಇದಲ್ಲದೆ ಎರಡು ವರ್ಷಗಳಲ್ಲಿ ಎರಡನೆಯ ಬಾರಿಗೆ. ಸ್ಥಳೀಯ ಕೃಷಿ ಕಂಪೆನಿಗಳು ಅಮೆರಿಕದ ಕೃಷಿ ರಾಸಾಯನಿಕ ಕಂಪನಿಗೆ ಪಾವತಿಸುವ ರಾಯಧನವನ್ನು ಸಹ ಸರ್ಕಾರ ಕಡಿತಗೊಳಿಸಿದೆ.
ಕೇಂದ್ರ ಕೃಷಿ ಇಲಾಖೆ ಅಮೆರಿಕಾ ಸಂಸ್ಥೆಯ ರಾಯಧನದಲ್ಲಿ ಶೇ.20.4 ರಷ್ಟು ಕಡಿತ ಮಾಡಲು ನಿರ್ಧರಿಸಿದೆ ಎಂದು ಸರ್ಕಾರಿ ಆದೇಶದಲ್ಲಿ ತಿಳಿಸಲಾಗಿದೆ. ಈ ಹಿಂದೆ 2016ರಲ್ಲಿ ರಾಯಧನವ ಪಾಲನ್ನು ಶೇ. 70ರಷ್ಟನ್ನು ಕಡಿತಗೊಳಿಸಿತ್ತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.