ಇರಾನ್‌ ಮೇಲೆ ಅಮೆರಿಕ-ಇಸ್ರೇಲ್ ದಾಳಿ; ಯುದ್ಧದ ವೇಳೆ 3,300ಕ್ಕೂ ಹೆಚ್ಚು ಜನರು ಸಾವು; ಪತ್ತೆಯಾಗದ ನಾಲ್ವರ ಗುರುತು!

ದುಬೈ: ಇಸ್ರೇಲ್ ಮತ್ತು ಅಮೆರಿಕದೊಂದಿಗಿನ ಸಂಘರ್ಷದಲ್ಲಿ ಇರಾನ್‌‌ನಲ್ಲಿ ಕನಿಷ್ಠ 3,375 ಜನರು ಸಾವಿಗೀಡಾಗಿದ್ದಾರೆ ಎಂದು ಟೆಹ್ರಾನ್‌ನ ಕಾನೂನು ವೈದ್ಯಕೀಯ ಸಂಸ್ಥೆಯ ಮುಖ್ಯಸ್ಥ ಅಬ್ಬಾಸ್ ಮಸ್ಜೆದಿ ಹೇಳಿದ್ದಾರೆ.

ನ್ಯಾಯಾಂಗದ ಮಿಜಾನ್ ಸುದ್ದಿಸಂಸ್ಥೆ ಮತ್ತು ಇತರ ಮಾಧ್ಯಮಗಳು ಸೋಮವಾರ ಮಸ್ಜೇದಿ ಹೇಳಿಕೆಯನ್ನು ಉಲ್ಲೇಖಿಸಿದ್ದು, ಮೃತರ ಪೈಕಿ ಕೇವಲ ನಾಲ್ವರು ಗುರುತು ಪತ್ತೆಯಾಗಿಲ್ಲ. ಯುದ್ಧದಿಂದಾಗಿ 2,875 ಪುರುಷರು ಮತ್ತು 496 ಮಹಿಳೆಯರು ಸಾವಿಗೀಡಾಗಿದ್ದಾರೆ ಎಂದು ತಿಳಿಸಿವೆ.

ಮೃತರಲ್ಲಿ 383 ಮಂದಿ 18 ವರ್ಷ ಮತ್ತು ಅದಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಎಂದು ಮಸ್ಜೆದಿ ಹೇಳಿದ್ದಾರೆ.

ದೇಶದಲ್ಲಿ ಮಿಲಿಟರಿ ನೆಲೆಗಳು ಮತ್ತು ಶಸ್ತ್ರಾಗಾರಗಳನ್ನು ಗುರಿಯಾಗಿಸಿಕೊಂಡು ನಡೆದ ತೀವ್ರವಾದ ಬಾಂಬ್ ದಾಳಿಯ ಮಟ್ಟವನ್ನು ಗಮನಿಸಿದರೆ, ಮಸ್ಜೆದಿ ಅವರ ಅಂಕಿಅಂಶಗಳು ಭದ್ರತಾ ಪಡೆ ಸದಸ್ಯರನ್ನು ಒಳಗೊಂಡಿವೆಯೇ ಅಥವಾ ಇಲ್ಲವೇ ಎಂಬ ಪ್ರಶ್ನೆಗಳನ್ನು ಹುಟ್ಟುಹಾಕಿವೆ.