ಭಾರತದೆದುರು ಮಂಡಿಯೂರಿದ ಮಾಲ್ಡೀವ್ಸ್: Welcome India ಅಭಿಯಾನಕ್ಕೆ ಚಾಲನೆ!

ನವದೆಹಲಿ: ಭಾರತ ವಿರೋಧಿ ನಿಲುವು ಹೊಂದಿದ್ದ ಮಾಲ್ಡೀವ್ಸ್ ನ ಹೊಸ ಸರ್ಕಾರದ ನೀತಿ 9 ತಿಂಗಳಲ್ಲಿ ಬದಲಾಗಿದ್ದು, ಭಾರತದ ಪರವಾದ ನಿಲುವು ತಳೆದಿದೆ.

ಭಾರತೀಯ ಪ್ರವಾಸಿಗರು ಮಾಲ್ಡೀವ್ಸ್ ನ್ನು ಬಹಿಷ್ಕರಿಸಿದ್ದರಿಂದ ಪೆಟ್ಟು ತಿಂದ ದ್ವೀಪ ರಾಷ್ಟ್ರ ಈಗ ಎಚ್ಚೆತ್ತುಕೊಂಡಿದ್ದು, ಡಾರ್ನಿಯರ್ ವಿಮಾನವನ್ನು (ಭಾರತದಿಂದ ಉಡುಗೊರೆಯಾಗಿ ನೀಡಲಾಗಿದೆ) ಈಗ ವೈದ್ಯಕೀಯ ಸ್ಥಳಾಂತರಿಸುವಿಕೆಗೆ ಬಳಸಲಾಗುವುದು ಎಂದು ಹೇಳಿರುವ ಮಾಲ್ಡೀವ್ಸ್, ಭಾರತೀಯ ಪ್ರವಾಸಿಗರನ್ನು ಮರಳಿ ಆಕರ್ಷಿಸಲು ರೋಡ್ ಶೋ ಗಳ ಮೂಲಕ Welcome India ಅಭಿಯಾನವನ್ನು ಆರಂಭಿಸಿದೆ. ಈ ಮೂಲಕ ತನ್ನ ರಾಜತಾಂತ್ರಿಕತೆಯಲ್ಲಿ ಮಹತ್ವದ ಬದಲಾವಣೆ ಕಂಡುಬಂದಿದೆ.

ಮುಂದಿನ ವಾರಾಂತ್ಯ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ದ್ವೀಪ ಸಮೂಹಗಳ ರಾಷ್ಟ್ರಕ್ಕೆ ಭೇಟಿ ನೀಡುತ್ತಿರುವುದಕ್ಕೂ ಮುನ್ನ ಮಾಲ್ಡೀವ್ಸ್ ನ ಭಾರತದ ಕುರಿತ ನಿಲುವಲ್ಲಿ ಮಹತ್ವದ ಬದಲಾವಣೆಯಾಗಿದೆ.

"ಜೈಶಂಕರ್ ಮಾಲ್ಡೀವ್ಸ್ ಅಧ್ಯಕ್ಷ ಮೊಹಮದ್ ಮುಯಿಜ್ಜು (ಆಗಸ್ಟ್ 11 ರ ಸುಮಾರಿಗೆ) ಅವರನ್ನು ಭೇಟಿ ಮಾಡುವ ಸಾಧ್ಯತೆಯಿದೆ. ಜೊತೆಗೆ, ಅವರು ಭಾರತದ ಬೆಂಬಲದೊಂದಿಗೆ ಕೈಗೊಳ್ಳಲಾಗುತ್ತಿರುವ ಮೂರು ಯೋಜನೆಗಳನ್ನು ಪರಿಶೀಲಿಸುತ್ತಾರೆ. ಉತ್ತರ ಹನಿಮಾಧುದಲ್ಲಿನ ವಿಮಾನ ನಿಲ್ದಾಣ ಯೋಜನೆ, ಗ್ಯಾನ್‌ನಲ್ಲಿ ವಿಮಾನ ನಿಲ್ದಾಣ ಯೋಜನೆ ಮತ್ತು ಗ್ರೇಟರ್ ಮಾಲೆ ಪ್ರದೇಶದ ಸೇತುವೆ ಸಂಪರ್ಕ (ಇದರ ಮೊದಲ ಹಂತವು ವಿಲಿಗಿನ್ಲಿ ದ್ವೀಪದಲ್ಲಿ ಗೋಚರಿಸುತ್ತದೆ)" ಯೋಜನೆಗಳು ಭಾರತದ ಬೆಂಬಲದೊಂದಿಗೆ ನಡೆಯುತ್ತಿವೆ ಎಂದು ಮೂಲವೊಂದು ತಿಳಿಸಿದೆ.

ಪ್ರಾಥಮಿಕವಾಗಿ ಆರ್ಥಿಕ ಕಾರಣಗಳಿಂದಾಗಿ ಮಾಲ್ಡೀವಿಯನ್ ವಿದೇಶಾಂಗ ನೀತಿಯಲ್ಲಿ ಬದಲಾವಣೆಯಾಗಿದೆ. ಭಾರತೀಯ ಪ್ರವಾಸಿಗರ ಭೇಟಿ ಕಡಿಮೆಯಾಗಿದೆ. ಇದಲ್ಲದೆ, ಭಾರತವು $ 50 ಮಿಲಿಯನ್ ಸಾಲವನ್ನು ಮುಂದೂಡಿದೆ. ಮಾಲ್ಡೀವ್ಸ್‌ನಲ್ಲಿರುವ ಜನರು ಚೀನೀ ಹೂಡಿಕೆಗಳ ಬಗ್ಗೆ ಚಿಂತಿತರಾಗಿದ್ದಾರೆ ಮತ್ತು ಅವರು ಸಾಲಗಳ ಮರುಪಾವತಿಯನ್ನು ಐದು ವರ್ಷಗಳ ಕಾಲ ತಳ್ಳಿದ್ದಾರೆಯೇ ಅಥವಾ ಅವುಗಳನ್ನು ಸಾಫ್ಟ್ ಲೋನ್ ಗಳನ್ನಾಗಿ ಬದಲಾಯಿಸಿದ್ದಾರೆಯೇ ಎಂಬುದು ಖಚಿತವಾಗಿಲ್ಲ.

ಏತನ್ಮಧ್ಯೆ, ಅಧ್ಯಕ್ಷ ಮುಯಿಝು (ಜುಲೈ 26 ರಂದು ಅವರ 59 ನೇ ಸ್ವಾತಂತ್ರ್ಯ ದಿನದಂದು) ವಿದೇಶಿ ಪ್ರಜೆಗಳನ್ನು ಸ್ಥಳಾಂತರಿಸುವಲ್ಲಿ ಸಹಾಯ ಮಾಡಿದ ಭಾರತಕ್ಕೆ ಮನ್ನಣೆ ನೀಡಿದ್ದರು.