ಷರೀಫ್ ಆಡಳಿತ ಶೀಘ್ರದಲ್ಲೇ ಅಂತ್ಯಗೊಳ್ಳಲಿದೆ: ಇಮ್ರಾನ್ ಖಾನ್

ದೇರಾ ಘಾಜಿ ಖಾನ್: ಪಾಕಿಸ್ತಾನ ಪ್ರಧಾನಮಂತ್ರಿ ನವಾಜ್ ಷರೀಫ್ ಅವರ ಭ್ರಷ್ಟಾಚಾರ ಸ್ಫೋಟಗೊಂಡಿದ್ದು, ಶೀಘ್ರದಲ್ಲಿಯೇ ಷರೀಫ್ ಅವರ ಆಡಳಿತ ಅಂತ್ಯಗೊಳ್ಳಲಿದೆ ಎಂದು ಪಾಕಿಸ್ತಾನದ ವಿಪಕ್ಷ ನಾಯಕ ಇಮ್ರಾನ್ ಖಾನ್ ಅವರು ಸೋಮವಾರ ಹೇಳಿದ್ದಾರೆ.

ಈ ಕುರಿತಂತೆ ಮಾತನಾಡಿರುವ ಅವರು, ಪನಾಮಾ ಹಗರಣದಲ್ಲಿ ಪ್ರಧಾನಮಂತ್ರಿ ನವಾಜ್ ಷರೀಫ್ ಅವರು ಮಾಡಿರುವ ಭ್ರಷ್ಟಾಚಾರ ಬಹಿರಂಗಗೊಂಡಿದೆ. ಹಾಗೂ ಷರೀಫ್ ವಿರುದ್ಧ ಅಲ್ಲಾಹ್ ಸುವೋ ಮೊಟೋ (ಸ್ವಯಂ ಪ್ರೇರಿತ) ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆಂದು ಹೇಳಿದ್ದಾರೆ.

ಸುಪ್ರೀಂಕೋರ್ಟ್ ನ ತನಿಖೆಯಿಂದ ತಪ್ಪಿಸಿಕೊಳ್ಳಲು ಷರೀಷ್ ಯತ್ನಿಸುತ್ತಿದ್ದಾರೆ. ಷರೀಫ್ ಅವರ ವಕೀಲರು ಹೇಳಿಕೆ ನೀಡಿರುವ ಪ್ರಕಾರ, ಷರೀಫ್ ಕುಟುಂಬಸ್ಥರು 2006ರಲ್ಲಿ ಮೇಫೇರ್ ಆಪಾರ್ಟ್ ಮೆಂಟ್ ವೊಂದನ್ನು ಖರೀದಿಸಿದ್ದರು ಎಂದು ಹೇಳಿದ್ದಾರೆ. ಆದರೆ, ಬಿಬಿಸಿ ಮಾಹಿತಿ ನೀಡಿರುವ ಪ್ರಕಾರ ಈ ಅಪಾರ್ಟ್ ಮೆಂಟ್ ನ್ನು 1990ರಲ್ಲಿಯೇ ಖರೀದಿ ಮಾಡಲಾಗಿದೆ ಎಂದು ಹೇಳಿದೆ.

ಪನಾಮಾ ಹಗರಣದಲ್ಲಿ ಭಾಗಿಯಾಗಿರುವ ಷರೀಪ್ ಕುರಿತಂತೆ ಜನರ ಅಭಿಪ್ರಾಯಗಳನ್ನು ಕೇಳಲಾಗಿತ್ತು. ಇದೀಗ ಷರೀಫ್ ವಿರುದ್ಧ ಜನರು ಎದ್ದು ನಿಂತಿದ್ದಾರೆ. ಪಾಕಿಸ್ತಾನಕ್ಕೆ ಉತ್ತಮ ರಚನೆ ನೀಡಲು ನಾವು ಯತ್ನ ನಡೆಸುತ್ತಿದ್ದೇವೆ. ಶೀಘ್ರದಲ್ಲಿಯೇ 'ಶರೀಫ್ ಮಾಫಿಯಾ' ವಿರುದ್ಧ ಜನರು ದಂಗೆ ಏಳಲಿದ್ದಾರೆಂದು ಅವರು ತಿಳಿಸಿದ್ದಾರೆ.