2015 ಆಗಲಿದೆ ಗರಿಷ್ಠ ತಾಪ ವರ್ಷ: ವಿಶ್ವ ಹವಾಮಾನ ಸಂಸ್ಥೆ ಎಚ್ಚರಿಕೆ
2015 ಇದುವರೆಗಿನ ಅತ್ಯಂತ ಗರಿಷ್ಠ ತಾಪಮಾನದ ವರ್ಷವೆಂಬ ದಾಖಲೆಗೆ ಭಾಜನವಾಗಲಿದೆ ಎಂದು...
Published On :
ಜಿನೀವಾ: 2015 ಇದುವರೆಗಿನ ಅತ್ಯಂತ ಗರಿಷ್ಠ ತಾಪಮಾನದ ವರ್ಷವೆಂಬ ದಾಖಲೆಗೆ ಭಾಜನವಾಗಲಿದೆ ಎಂದು ವಿಶ್ವಸಂಸ್ಥೆಯ ಹವಾಮಾನ ಸಂಸ್ಥೆ ಬುಧವಾರದಂದು ಹೇಳಿಕೆ ನೀಡಿದೆ. ಮುಂದಿ ನವಾರ ಪ್ಯಾರಿಸ್‍ನಲ್ಲಿ ನಡೆಯಲಿರುವ ಹವಾಮಾನ ಬದಲಾವಣೆ ಸಮ್ಮೇಳನಕ್ಕೆ ಮುನ್ನ ಈ ಹೇಳಿಕೆ ಬಿಡುಗಡೆ ಮಾಡಲಾಗಿದೆ.
``ಮಾಪನ ಆರಂಭಿಸಿದಾಗಿನಿಂದ ನೋಡಿದರೆ ಈ ವರ್ಷದ ಸಮುದ್ರದ ಮೇಲ್ಮೈ ತಾಪಮಾನ ಅತಿ ಹೆಚ್ಚು. ಆದ್ದರಿಂದ ಈ ವರ್ಷ ಭೂಮಿ ದಾಖಲೆಯ ಸರಾಸರಿ ಗರಿಷ್ಠ ಉಷ್ಣಾಂಶ ದಾಖಲಿಸಲಿದೆ. ಇದು ಭೂಗ್ರಹಕ್ಕೊಂದು ಅಶುಭ ಸುದ್ದಿ''ಎಂದು ವಿಶ್ವ ಹವಾಮಾನ ಸಂಸ್ಥೆಯ ಮುಖ್ಯಸ್ಥ ಮೈಕೆಲ್ ಜರಾಡ್ ತಿಳಿಸಿದ್ದಾರೆ.
ಸಾಮಾನ್ಯವಾಗಿ ವರ್ಷ ಪೂರೈಸುವ ತನಕ ಈ ವರದಿ ಬಹಿರಂಗ ಪಡಿಸದ ವಿಶ್ವಸಂಸ್ಥೆ, ಈ ಬಾರಿ ಕಳೆದ ಹತ್ತು ತಿಂಗಳ ಮಾಹಿತಿ ಆಧರಿಸಿ ಡಿಸೆಂಬರ್ ಅಂತ್ಯಕ್ಕೆ ಮೊದಲೇ ವರದಿಯನ್ನು ಬಹಿರಂಗಪಡಿಸಿದೆ.ಗ್ರೀನ್ ಹೌಸ್ ಅನಿಲ ಹೊರಸೂಸುವಿಕೆ ಈ ಹವಾಮಾನ ಬದಲಾ ವಣೆಗೆ ಮೂಲ ಕಾರಣವಾಗಿದ್ದು, ಇದನ್ನು ನಿಯಂತ್ರಿಸಬಹುದಾಗಿದೆ ಎಂದು ಜರಾಡ್ ಅಭಿಪ್ರಾಯಪಟ್ಟಿದ್ದಾರೆ.
1993ರಿಂದ ಉಪ ಗ್ರಹಗಳ ಮೂಲಕ ಈ ಮಾಪನ ನಡೆಸಲಾಗುತ್ತಿದ್ದು, ಈ ಬಾರಿಯ ಉಷ್ಣಾಂಶ ಕಳೆದ 22 ವರ್ಷಗಳಲ್ಲಿ ಗರಿಷ್ಠ ಎನ್ನಲಾಗಿದೆ. ಚೀನಾ ಅತಿ ಬಿಸಿ ಪ್ರದೇಶಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಗಳಿಸಿದ್ದರೆ, ಆಫ್ರಿಕಾಗೆ ದ್ವಿತೀಯ ಸ್ಥಾನ. ಮಿಕ್ಕಂತೆ ಭಾರತ, ಪಾಕ್, ಯೂರೋಪ್, ಉತ್ತರ ಆಫ್ರಿಕಾ, ಮಧ್ಯ ಪ್ರಾಚ್ಯ ದೇಶಗಳಿಗೂ ಭೀಕರ ಬಿಸಿ ತಟ್ಟಿವೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.