ದಕ್ಷಿಣ ಆಫ್ರಿಕಾದಲ್ಲಿ ಮೂವರು ಮಹಿಳೆಯರಿಂದ ಪುರುಷನ ಮೇಲೆ ಅತ್ಯಾಚಾರ

ಮೂವರು ಮಹಿಳೆಯರು ಪುರುಷನನ್ನು ಅಪಹರಿಸಿ, ಅತ್ಯಾಚಾರಗೈದು ಆತನ ವೀರ್ಯವನ್ನು ಸಂಗ್ರಹಿಸಿರುವ ಪ್ರಕರಣ ದಕ್ಷಿಣ ಆಫ್ರಿಕಾದಲ್ಲಿ ನಡೆದಿದ್ದು ಅಲ್ಲಿನ ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.
ಕ್ವಾಜಾಖೆಲೆ ಟೌನ್ ಶಿಪ್ ಬಳಿ  33 ವರ್ಷದ ವ್ಯಕ್ತಿಯೊಬ್ಬನನ್ನು ಬಿಎಂಡ್ಬ್ಲ್ಯೂ ಕಾರಿನಲ್ಲಿ ಅಪಹರಿಸಿದ ಅನಾಮಿಕ ಮೂವರು ಮಹಿಳೆಯರು, ಆ ವ್ಯಕ್ತಿಗೆ ಮತ್ತು ಬರುವ ವಸ್ತು ನೀಡಿ ಅತ್ಯಾಚಾರವೆಸಗಿದ್ದಾರೆ ಅಷ್ಟೇ ಅಲ್ಲದೇ ಆತನ ವೀರ್ಯವನ್ನು ಕೂಲರ್ ಬಾಕ್ಸ್ ನಲ್ಲಿ ಸಂಗ್ರಹಿಸಿದ್ದಾರೆ.
ಘಟನೆ ನಡೆದ ಬಳಿಕ ಆತನನ್ನು ಕಾರಿನಿಂದ ಹೊರ ಹಾಕಿದ್ದಾರೆ ಎಂದು ಮೇಲ್ ಆನ್ ಲೈನ್ ವರದಿ ಮೂಲಕ ತಿಳಿದುಬಂದಿದೆ. ಈ ರೀತಿಯ ಘಟನೆ ಹಿಂದೆಂದೂ ನಡೆದಿರಲಿಲ್ಲ, ಅತ್ಯಾಚಾರ ಘಟನೆಯಿಂದ ಸಂತ್ರಸ್ತ ವ್ಯಕ್ತಿ ಆಘಾತಕ್ಕೊಳಗಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.