ಮೋದಿ- ಷರೀಫ್ ಮಾತುಕತೆ ವೇಳೆ ಕಾಶ್ಮೀರ ವಿಷಯದ ಬಗ್ಗೆಯೂ ಚರ್ಚೆ: ಪಾಕ್ ಟಿವಿ ವರದಿ

ಲಾಹೋರ್: ಪ್ರಧಾನಿ ನರೇಂದ್ರ ಮೋದಿ ಅವರ ದಿಢೀರ್ ಪಾಕಿಸ್ತಾನ ಭೇಟಿ ವೇಳೆ ನವಾಜ್ ಷರೀಫ್-ಮೋದಿ ನಡುವೆ ನಡೆದ ಮಾತುಕತೆಯಲ್ಲಿ ಕಾಶ್ಮೀರ ವಿಷಯವೂ ಚರ್ಚೆಗೆ ಬಂದಿದೆ ಎಂದು ಪಾಕಿಸ್ತಾನದ ಜಿಯೋ ಟಿವಿ ವರದಿ ಮಾಡಿದೆ. 
ಮೋದಿ- ನವಾಜ್ ಷರೀಫ್ ನಡೆಸಿದ ಅನೌಪಚಾರಿಕ ಚರ್ಚೆ ವೇಳೆ ದ್ವಿಪಕ್ಷೀಯ ಸಂಬಂಧವನ್ನು ಮುಂದುವರೆಸುವ ವಿಷಯದೊಂದಿಗೆ, ಕಾಶ್ಮೀರ ವಿವಾದವೂ ಚರ್ಚೆಗೆ ಬಂದಿದೆ ಎಂದು ಹೇಳಲಾಗುತ್ತಿದೆ. ನವಾಜ್ ಷರೀಫ್ ಅವರೊಂದಿಗಿನ ಚರ್ಚೆಯ ವೇಳೆ ಉಭಯ ನಾಯಕರೂ ಕಾಶ್ಮೀರದ ಚಹಾ ಸೇವಿಸಿದ್ದು ಸುದ್ದಿಯಾಗಿತ್ತು. ಆದರೆ ಈಗ ಪಾಕಿಸ್ತಾನದ ಚಾನೆಲ್ ಒಂದು ಮೋದಿ- ಷರೀಫ್ ಕಾಶ್ಮೀರದ ವಿಷಯದ ಬಗ್ಗೆ ಮಾತನಾಡಿರುವುದಾಗಿ ವರದಿ ಮಾಡಿದೆ.