ವೈದ್ಯಕೀಯ ನೆಲೆ: ನೊಬೆಲ್ ಪ್ರಶಸ್ತಿ ಪುರಸ್ಕೃತರನ್ನು ಬಿಡುಗಡೆಗೊಳಿಸಿದ ಚೈನಾ ಸರ್ಕಾರ
ಚೈನಾದ ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತ ಲಿಯು ಕ್ಸಿಯೋಬೋ ಅವರನ್ನು ವೈದ್ಯಕೀಯ ನೆಲೆಯ ಮೇಲೆ ಬಿಡುಗಡೆ ಮಾಡಲಾಗಿದೆ. ಅವರಿಗೆ ಯಕೃತ್ತು ಕ್ಯಾನ್ಸರ್ ರೋಗ ಇರುವದು ತಿಳಿದುಬಂದಿದ್ದು
Published On :
ಬೀಜಿಂಗ್: ಚೈನಾದ ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತ ಲಿಯು ಕ್ಸಿಯೋಬೋ ಅವರನ್ನು ವೈದ್ಯಕೀಯ ನೆಲೆಯ ಮೇಲೆ ಬಿಡುಗಡೆ ಮಾಡಲಾಗಿದೆ. ಅವರಿಗೆ ಯಕೃತ್ತು ಕ್ಯಾನ್ಸರ್ ರೋಗ ಇರುವದು ತಿಳಿದುಬಂದಿದ್ದು, ಈ ವಿಷಯವನ್ನು ಅವರ ವಕೀಲ ಸೋಮವಾರ ಧೃಢೀಕರಿಸಿದ್ದಾರೆ.
ಮೇ ೨೩ ರಂದು ಲಿಯು ಅವರಿಗೆ ಕ್ಯಾನ್ಸರ್ ಇರುವುದು ತಿಳಿದುಬಂದ ಮೇಲೆ ಅವರಿಗೆ ಲಿಅಯೋನಿಂಗ್ ಪ್ರಾಂತ್ಯದ ಶೆನ್ಯಾಂಗ್ ನ ವಿಶ್ವವಿದ್ಯಾಲಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು ಎಂದು ವಕೀಲ ಮೊ ಶಾಓಪಿಂಗ್ ಹೇಳಿದ್ದಾರೆ.
ಚೈನಾ ಸರ್ಕಾರದ ವಿರುದ್ಧ ತಿರುಗಿಬಿದ್ದಿದ್ದ ಲಿಯು ಅವರಿಗೆ ೨೦೧೦ರಲ್ಲಿ ನೊಬೆಲ್ ಶಾಂತಿ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು. ದೇಶದ ಅಧಿಕಾರ ಉರುಳಿಸುವ ಪ್ರಯತ್ನದ ಆರೋಪದ ಮೇಲೆ ಅವರಿಗೆ ಪ್ರಶಸ್ತಿ ಬರುವುದಕ್ಕೂ ಮೊದಲೇ ೧೧ ವರ್ಷ ಜೈಲುಶಿಕ್ಷೆ ನೀಡಲಾಗಿತ್ತು.
ದೇಶದಲ್ಲಿ ಮಾಧ್ಯಮಗಳ ಸ್ವಾತಂತ್ರ್ಯ, ಬಹು ಪಕ್ಷಗಳ ವ್ಯವಸ್ಥೆಯನ್ನು ಜಾರಿ ಮಾಡಬೇಕು ಮತ್ತು ಎಲ್ಲರಿಗು ಸಾಂವಿಧಾನಿಕ ಹಕ್ಕುಗಳು ದೊರಯುವಂತಾಗಬೇಕು ಎಂದು ಆಗ್ರಹಿಸಿ ರಾಜಕೀಯ ಪ್ರಣಾಳಿಕೆಗೆ ಸಹಿ ಮಾಡಿದ್ದ ೩೦೦ ಜನ ಚೈನಾ ಬುದ್ಧಿಜೀವಿಗಳಲ್ಲಿ ಲಿಯು ಕೂಡ ಒಬ್ಬರು. ಆನಂತರ ಅವರನ್ನು ಬಂಧಿಸಲಾಗಿತ್ತು.
ಆಸ್ಪತ್ರೆಯಲ್ಲಿ ಸ್ಥಿರವಾಗಿದ್ದ ಅವರನ್ನು ಭೇಟಿ ಮಾಡಲು ಕುಟುಂಬಕ್ಕೆ ೧೦ ದಿನಗಳ ಹಿಂದೆ ಅವಕಾಶ ನೀಡಲಾಗಿತ್ತು ಎಂದು ವಕೀಲರು ಹೇಳಿದ್ದಾರೆ. ಲೀಯು ಅವರ ಪತ್ನಿ ಲಿಯು ಕ್ಸಿಯಾ ಅವರನ್ನು ಇಲ್ಲಿಯವರೆಗೂ ಗೃಹಬಂಧನದಲ್ಲಿ ಇರಿಸಲಾಗಿತ್ತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ChinaಚೈನಾNobel peace laureateನೊಬೆಲ್ ಶಾಂತಿ ಪ್ರಶಸ್ತಿLiu XiaoboLiver Cancerಲಿಯು ಕ್ಸಿಯೋಬೋಯಕೃತ್ತು ಕ್ಯಾನ್ಸರ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.