ವಿಡಿಯೋ ಉದ್ದೇಶ ತಿರುಚಿ ಟ್ವೀಟ್; ಕೇಜ್ರಿವಾಲ್ ತಂಡವನ್ನು ಟೀಕಿಸಿದ ಮನೋಜ್ ತಿವಾರಿ
ನೋಟು ಹಿಂಪಡೆತ ನಿರ್ಧಾರದ ನಂತರ ಎಟಿಎಂಗಳ ಎದುರು ನಿಂತ ಜನರನ್ನು ದೆಹಲಿ ಬಿಜೆಪಿ ಮುಖಂಡ ಮನೋಜ್ ತಿವಾರಿ ಹಾಸ್ಯ ಮಾಡಿದ್ದಾರೆ ಎಂದು ಆರೋಪಿಸಿ ತಮ್ಮ ವಿಡಿಯೋವೊಂದು ವೈರಲ್
Published On :
ನವದೆಹಲಿ: ನೋಟು ಹಿಂಪಡೆತ ನಿರ್ಧಾರದ ನಂತರ ಎಟಿಎಂಗಳ ಎದುರು ನಿಂತ ಜನರನ್ನು ದೆಹಲಿ ಬಿಜೆಪಿ ಮುಖಂಡ ಮನೋಜ್ ತಿವಾರಿ ಹಾಸ್ಯ ಮಾಡಿದ್ದಾರೆ ಎಂದು ಆರೋಪಿಸಿ ತಮ್ಮ ವಿಡಿಯೋವೊಂದು ವೈರಲ್ ಮಾಡಿರುವುದಕ್ಕೆ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಮತ್ತು ಅವರ ತಂಡ ಕಾರಣ ಎಂದು ಮನೋಜ್ ದೂರಿದ್ದಾರೆ.
ದೆಹಲಿ ಸರ್ಕಾರದ ಕೆಲಸದ ಬಗ್ಗೆ ನಾನು ನೈಜ ತಪಾಸಣೆ ಮಾಡುತ್ತಿರುವುದರಿಂದ ಎಎಪಿ ಪಕ್ಷದ ಮುಖಂಡರು ಮತ್ತು ಕಾರ್ಯಕರ್ತರು ನನ್ನನ್ನು ಗುರಿಯಾಗಿಸಿಕೊಂಡಿದ್ದಾರೆ ಎಂದು ದೆಹಲಿಯಿಂದ ಬಿಜೆಪಿ ಸಂಸದರು ಆಗಿರುವ ತಿವಾರಿ ಆರೋಪಿಸಿದ್ದಾರೆ.
"ನನ್ನ ವಿಡಿಯೋ ಒಂದು ವೈರಲ್ ಆಗಿದೆ ಮತ್ತು ಇದನ್ನು ಮಾಡಿರುವವರು ಅರವಿಂದ್ ಕೇಜ್ರಿವಾಲ್ ಮತ್ತು ತಂಡ" ಎಂದು ತಿವಾರಿ ಹೇಳಿದ್ದಾರೆ.
ಮಂಗಳವಾರ ಬೆಳಗ್ಗೆ ಈ ವಿಡಿಯೋ ಟ್ವೀಟ್ ಮಾಡಿದ್ದ ದೆಹಲಿ ನೀರು ಸರಬರಾಜು ಸಚಿವ ಕಪಿಲ್ ಮಿಶ್ರಾ "ದೆಹಲಿ ಜನರನ್ನು ಅಪಹಾಸ್ಯ ಮಾಡುತ್ತಿರುವ ಮನೋಜ್ ತಿವಾರಿ ಅವರ ಈ ವಿಡಿಯೋ ನಾಚಿಕೆಗೇಡು ಮತ್ತು ಅಸಹ್ಯ" ಎಂದು ಬರೆದಿದ್ದರು.
"ಹಾಡಿನ ಮೂಲಕ ಎಟಿಎಂ ಎದುರು ನಿಂತ ಜನರನ್ನು ಮನೋಜ್ ತಿವಾರಿ ಅಪಹಾಸ್ಯ ಮಾಡಿದ್ದಾರೆ" ಎಂದು ಅವರು ಹೇಳುತ್ತಿದ್ದಾರೆ ಎಂದಿರುವ ತಿವಾರಿ "ನಾನು ಎಟಿಎಂ ಎದುರು ನಿಂತ ಜನರಿಗೆ ಉತ್ತೇಜನ ನೀಡಲು ಆ ಹಾಡು ಹಾಡಿದ್ದು. ಪ್ರಧಾನಿ ನರೇಂದ್ರ ಮೋದಿಯವರ ನೋಟು ಹಿಂಪಡೆತ ಕ್ರಮದಿಂದ ತೊಂದ ಅನುಭವಿಸುತ್ತಿದ್ದ ಜನರ ಹಿತಕ್ಕಾಗಿ ಅದನ್ನು ಮಾಡಿದ್ದು" ಎಂದಿದ್ದಾರೆ.
"ಪ್ರಧಾನ ಮಂತ್ರಿ ಅವರು ೫೦ ದಿನ ಕಷ್ಟಗಳನ್ನು ಸಹಿಸಿಕೊಳ್ಳಲು ಕೋರಿದ್ದರು ಮತ್ತು ದೇಶದ ಹಿತಕ್ಕಾಗಿ ಜನ ಅದಕ್ಕೆ ಸಿದ್ಧಾರಾಗಿದ್ದರು ಮತ್ತು ನಾನು ಕೈಜೋಡಿಸಿದೆ" ಎಂದು ಕೂಡ ತಿವಾರಿ ಹೇಳಿದ್ದಾರೆ.
"ಅರವಿಂದ್ ಕೇಜ್ರಿವಾಲ್ ಆವರೇ, ಇದನ್ನು ನೀವು ತಿರುಚುತ್ತಿರುವುದೇಕೆ" ಎಂದು ಕೂಡ ತಿವಾರಿ ಪ್ರಶ್ನಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ಬಿಜೆಪಿಅರವಿಂದ್ ಕೇಜ್ರಿವಾಲ್Arvind Kejriwalಕಪಿಲ್ ಮಿಶ್ರಾManoj Tiwariಮನೋಜ್ ತಿವಾರಿDemonetisationKapil Mihsra
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.