ಹವಾಮಾನ ಬದಲಾವಣೆಯಿಂದ ಕಣಿವೆ ಉಳಿಸಿ: ಕಾಶ್ಮೀರ ಯುವ ಚಿತ್ರನಿರ್ದೇಶಕರ ಮನವಿ
ಸಾಮಾನ್ಯವಾಗಿ ಕಾಶ್ಮೀರ ಸುದ್ದಿಯಲ್ಲಿರಿವುದು ಪ್ರತಿಭಟನೆ, ಭಯೋತ್ಪಾದನೆ ಸಂಬಂಧಿ ಚಟುವಟಿಕೆಗಳಿಗೆ ಎನ್ನುವ ಮಾತು ಒಂದು ಕಡೆ. ಆದರೆ ಇಲ್ಲಿ ಈ ಭಾಗದ ಯುವ ನಿರ್ದೇಶಕ ಗುಂಪು ಒಟ್ಟಾಗಿ, ಹವಾಮಾನ
Published On :
ಕೋಲ್ಕತ್ತಾ: ಸಾಮಾನ್ಯವಾಗಿ ಕಾಶ್ಮೀರ ಸುದ್ದಿಯಲ್ಲಿರಿವುದು ಪ್ರತಿಭಟನೆ, ಭಯೋತ್ಪಾದನೆ ಸಂಬಂಧಿ ಚಟುವಟಿಕೆಗಳಿಗೆ ಎನ್ನುವ ಮಾತು ಒಂದು ಕಡೆ. ಆದರೆ ಇಲ್ಲಿ ಈ ಭಾಗದ ಯುವ ನಿರ್ದೇಶಕ ಗುಂಪು ಒಟ್ಟಾಗಿ, ಹವಾಮಾನ ವೈಪರೀತ್ಯದಿಂದ ಕಣಿವೆಯ ಸೌಂದರ್ಯವನ್ನು ಉಳಿಸುವಂತೆ ತಮ್ಮ ಕಿರುಚಿತ್ರಗಳ ಮೂಲಕ ಮನವಿ ಮಾಡಿದ್ದಾರೆ.
ಏಳನೇ ರಾಷ್ಟ್ರೀಯ ವಿಜ್ಞಾನ ಸಿನಿಮೋತ್ಸವಕ್ಕೆ ಇತ್ತೀಚೆಗಷ್ಟೇ ತೆರೆಬಿದ್ದಿದ್ದು, ಅಲ್ಲಿ ಪ್ರದರ್ಶನಗೊಂಡ ಕನಿಷ್ಠ ೨ ಚಿತ್ರಗಳು ಹವಾಮಾನ ಬದಲಾವಣೆಯ ದುಷ್ಪರಿಣಾಮಗಳನ್ನು ಹಿಡಿದಿಟ್ಟಿವೆ.
ಜಲಾಲ್- ಉದ್ ದಿನ್ ಬಾಬಾ ಅವರ 'ಗ್ಲೋಬಲ್ ವಾರ್ಮಿಂಗ್ : ಕಾಶ್ಮೀರ್ ಚಾಪ್ಟರ್' ಎಂಬ ಸಿನೆಮಾದಲ್ಲಿ ಹವಾಮಾನ ಬದಲಾವಣೆಯಿಂದ ತೊಂದರೆಗೆ ಒಳಗಾಗಿರುವ ಮೂವರು ಆರ್ಚರ್ಡ್ ಮಾಲೀಕರ ಕಥೆಯನ್ನು ಹೇಳುತ್ತದೆ.
ಋತುಗಳ ಬದಲಾವಣೆ, ಚಳಿಗಾಲ ತಡವಾದದ್ದು ಮತ್ತು ಅಕಾಲಿಕ ಹಿಮ ಸುರಿದಿದ್ದರಿಂದ ಆರ್ಚರ್ಡ್ ಗಳು ಮತ್ತು ಅದಕ್ಕೆ ಸಂಬಂಧಿ ವ್ಯವಹಾರಗಳಿಗೆ ಭಾಗಶಃ ಪೆಟ್ಟು ಬಿದ್ದಿದೆ.
"೨೦೧೪ ರ ಪ್ರವಾಹ, ಜಾಗತಿಕ ತಾಪಮಾನ ಹೆಚ್ಚಿರುವುದಕ್ಕೆ ಪ್ರಕೃತಿ ನೀಡಿದ ಎಚ್ಚರಿಕೆ. ಕಾಶ್ಮೀರದ ಸೌಂದರ್ಯ ಮತ್ತು ರಮ್ಯ ಹೂದೋಟಗಳನ್ನು ಸಂರಕ್ಷಿಸಲು ಜನರಿಗೆ ಈ ಮೂಲಕ ಕರೆಕೊಡುತ್ತಿದ್ದೇವೆ" ಎಂದಿದ್ದಾರೆ ಉತ್ಸವದಲ್ಲಿ ಪ್ರಶಸ್ತಿ ಪಡೆದ ಬಾಬಾ.
"ಕ್ಲೈಮೇಟ್ ಚೇಂಜ್ ಅಡಾಪ್ಟೆಶನ್ ಇನ್ ಲಿದ್ಧರ್ ವ್ಯಾಲಿ' ಸಾಕ್ಷ್ಯಚಿತ್ರದ ನಿರ್ದೇಶಕ ತಾರಿಕ್ ಅಬ್ದುಲ್ಲಾ ಹವಾಮಾನ ಬದಲಾವಣೆಗೆ ಲಿದ್ಧರ್ ಕಣಿವೆಯ ಜನ ಹೇಗೆ ಹೊಂದಿಕೊಂಡಿದ್ದಾರೆ ಎಂದು ಸೆರೆಹಿಡಿದಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.