ರಾಜ್ಯ ಪಿ ಎಸ್ ಯು ಸಿಬ್ಬಂದಿಗಳಿಗೆ 476 ಕೋಟಿ ಬೋನಸ್ ಘೋಷಿಸಿದ 'ಅಮ್ಮ'
ರಾಜ್ಯ ಸರ್ಕಾರದ ಸಾರ್ವಜನಿಕ ಕ್ಷೇತ್ರದ ಸಂಸ್ಥೆಗಳ (ಪಿ ಎಸ್ ಯು) ಸಿಬ್ಬಂದಿಗಳಿಗೆ ತಮಿಳು ನಾಡಿನ ಮುಖ್ಯಮಂತ್ರಿ ಬಂಪರ್ ಕೊಡುಗೆ ನೀಡಿದ್ದಾರೆ. 2015-16 ನೇ ಸಾಲಿಗೆ 476.71 ಕೋಟಿ
Published On :
ಚೆನ್ನೈ: ರಾಜ್ಯ ಸರ್ಕಾರದ ಸಾರ್ವಜನಿಕ ಕ್ಷೇತ್ರದ ಸಂಸ್ಥೆಗಳ (ಪಿ ಎಸ್ ಯು) ಸಿಬ್ಬಂದಿಗಳಿಗೆ ತಮಿಳು ನಾಡಿನ ಮುಖ್ಯಮಂತ್ರಿ ಜೆ ಜಯಲಲಿತಾ ಬಂಪರ್ ಕೊಡುಗೆ ನೀಡಿದ್ದಾರೆ. 2015-16 ನೇ ಸಾಲಿಗೆ 476.71 ಕೋಟಿ ಬೋನಸ್ ಘೋಷಿಸಿದ್ದು, 3,67,887 ನೌಕರರು ಕನಿಷ್ಠ 8400 ರೂ ನಿಂದ ಗರಿಷ್ಟ 16800 ರೂ ವರೆಗೆ ಬೋನಸ್ ಪಡೆಯಲಿದ್ದಾರೆ.
"ಬೋನಸ್ ತಿದ್ದುಪಡಿ ಕಾಯ್ದೆ 2015 ರ ಅಡಿಯಲ್ಲಿ ಸಿ ಮತ್ತು ಡಿ ದರ್ಜೆ ನೌಕರರ ಬೋನಸ್ ಅರ್ಹತೆಯ ವೇತನ ಮಿತಿಯನ್ನು 10,000 ದಿಂದ 21,000 ರೂಗೆ ಏರಿಸಲಾಗಿದೆ. 21,000 ರೂ ವೇತನಕ್ಕೂ ಕೆಳಗೆ ಬರುವ ಸಿ ಮತ್ತು ಡಿ ದರ್ಜೆಯ ನೌಕರರಿಗೆ ಬೋನಸ್ ನೀಡಲು ಆದೇಶಿಸಿದ್ದೇನೆ" ಎಂದು ಮುಖ್ಯಮಂತ್ರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಲಾಭ ಮಾಡುತ್ತಿರುವ ಪಿ ಎಸ್ ಯು ಗಳ ಸಿಬ್ಬಂದಿ ಮತ್ತು ನೌಕರರಿಗೆ 20% ಬೋನಸ್ ನೀಡುವುದಾಗಿ ಅವರು ಹೇಳಿದ್ದಾರೆ.
ನಷ್ಟದ ಪಿ ಎಸ್ ಯು ಗಳ ಸಿಬ್ಬಂದಿ ಮತ್ತು ನೌಕರರಿಗೆ 10% ಘೋಷಿಸಲಾಗಿದೆ. ತಮಿಳುನಾಡು ವಿದ್ಯುಚ್ಛಕ್ತಿ ನಿಗಮ, ರಾಜ್ಯ ಸರ್ಕಾರ ಒಡೆತನದ ಸಂಚಾರಿ ಸಂಸ್ಥೆಗಳು, ತಮಿಳು ನಾಡು ನಾಗರಿಕ ಸರಬರಾಜು ಸಂಸ್ಥೆ ಸಿಬ್ಬಂದಿ 20% ಬೋನಸ್ ಪಡೆಯಲಿದ್ದಾರೆ.
ತಮಿಳು ನಾಡು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿಯ ಸಿಬ್ಬಂದಿ 8.33% ಬೋನಸ್ ಪಡೆಯಲಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.