ಮುಂಬೈನ ನೌಕಾ ಪ್ರವೇಶ ಪರೀಕ್ಷಾ ಕೇಂದ್ರದಲ್ಲಿ ನೂಕುನುಗ್ಗಲು-ಕಾಲ್ತುಳಿತ; ಪರಿಸ್ಥಿತಿ ನಿಯಂತ್ರಣಕ್ಕೆ
ಮಲಾಡ್ ನ ಐ ಎನ್ ಎಸ್ ಹಂಲಾದಲ್ಲಿ ನಡೆಯುತಿದ್ದ ನೌಕಾ ಪ್ರವೇಶ ಪರೀಕ್ಷೆಯ ಸಮಯದಲ್ಲಿ ನೂಕುನುಗ್ಗಲು ಮತ್ತು ಕಾಲ್ತುಳಿತಕ್ಕೆ ಹಲವರು ಗಾಯಗೊಂಡಿರುವ ಸಾಧ್ಯತೆ ಇದೆ.
Published On :
ಮುಂಬೈ: ಮಲಾಡ್ ನ ಐ ಎನ್ ಎಸ್ ಹಂಲಾದಲ್ಲಿ ನಡೆಯುತಿದ್ದ ನೌಕಾ ಪ್ರವೇಶ ಪರೀಕ್ಷೆಯ ಸಮಯದಲ್ಲಿ ನೂಕುನುಗ್ಗಲು ಮತ್ತು ಕಾಲ್ತುಳಿತಕ್ಕೆ ಹಲವರು ಗಾಯಗೊಂಡಿರುವ ಸಾಧ್ಯತೆ ಇದೆ.
ಭಾರತೀಯ ನೌಕಾ ದಳದ ಮುಕ್ತ ಪ್ರವೇಶ ಪರೀಕ್ಷೆಗೆ ನಿಯಂತ್ರಿಸಲಾಗದಷ್ಟು ಗುಂಪು ಸೇರಿತ್ತು, ಆದರೆ ನಂತರ ಪ್ರಾದೇಶಿಕ ಪೊಲೀಸ್ ಮತ್ತು ನೌಕಾ ಅಧಿಕಾರಿಗಳನ್ನು ಗುಂಪನ್ನು ನಿಯಂತ್ರಿಸಿತು ಎಂದು ತಿಳಿದುಬಂದಿದೆ.
ಸುಮಾರು 4000 ಅಭ್ಯರ್ಥಿಗಳು ಸೇರುವ ನಿರೀಕ್ಷೆಯಿದ್ದರೆ, ಅಲ್ಲಿ 6000 ಕ್ಕೂ ಹೆಚ್ಚು ಅಭ್ಯರ್ಥಿಗಳು ನೆರೆದಿದ್ದರಿಂದ ದಾಂಧಲೆ ರೀತಿಯ ಪರಿಸ್ಥಿತಿ ಉಂಟಾಗಿತ್ತು.
"ಸೀನಿಯರ್ ಸೆಕಂಡರಿ ಅಧಿಕಾರಿ ಹುದ್ದೆಗೆ ಮುಂಬೈನ ಮಲಾಡ್ ನ ಐ ಎನ್ ಎಸ್ ಹಂಲಾದಲ್ಲಿ ಆಯ್ಕೆ ರ್ಯಾಲಿ ನಡೆದಿತ್ತು. ನಾವು ಹೆಚ್ಚಿನ ಅಭ್ಯರ್ಥಿಗಳನ್ನು ನಿರೀಕ್ಷಿಸಿದ್ದೆವು ಆದರೆ ನಿರೀಕ್ಷೆಗೂ ಮೀರಿ ಹೆಚ್ಚು ಜನ ನೆರೆದಿದ್ದರಿಂದ ಗುಂಪಿನಲ್ಲಿ ಗೊಂದಲಮಯ ವಾತಾವರಣ ಉಂಟಾಗಿ ನಂತರ ಪ್ರಾದೇಶಿಕ ಪೊಲೀಸರು ಮತ್ತು ನೌಕಾ ಅಧಿಕಾರಿಗಳು ಪರಿಸ್ಥಿತಿಯನ್ನು ನಿಯಂತ್ರಿಸಿದರು. ಈಗ ಆಯ್ಕೆ ಪ್ರಕ್ರಿಯೆ ಸರಾಗವಾಗಿ ನಾಗುತ್ತಿದೆ" ಎಂದು ನೌಕಾ ಅಧಿಕಾರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಜನರು ಹೆಚ್ಚಿದ್ದರಿಂದ, ಆಯ್ಕೆ ಪ್ರಕ್ರಿಯೆಗೆ ಇದ್ದ ಪರೀಕ್ಷೆಯ ಉತ್ತೀರ್ಣ ಅಂಕ ನಿರ್ಬಂಧವನ್ನು 50% ಇಂದ 60% ಗೆ ಏರಿಸಿದ್ದನ್ನು ಕೆಲವರು ಸ್ಥಳದಲ್ಲೇ ವಿರೋಧಿಸಿದ್ದರಿಂದ ಈ ಗೊಂದಲಕ್ಕೆ ಕಾರಣವಾಯಿತು ಎಂದು ಹಲವು ಅಭ್ಯರ್ಥಿಗಳು ದೂರಿದ್ದಾರೆ.
ಪರಿಸ್ಥಿತಿ ನಿಯಂತ್ರಿಸಲು ಲಾಠಿ ಚಾರ್ಜ್ ಮಾಡಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.