ಹಳೆಯ 500 ರು. ನೋಟುಗಳನ್ನು ನೀವು ಎಲ್ಲೆಲ್ಲಿ ಚಲಾವಣೆ ಮಾಡಬಹುದು?

ನವದೆಹಲಿ: ಕೇಂದ್ರ ಸರ್ಕಾರ ನಿಷೇಧಿಸಿರುವ ಹಳೆಯ ನೋಟುಗಳ ಪೈಕಿ ಗುರುವಾರಕ್ಕೆ 1000 ರು. ಮುಖಬೆಲೆಯ ಚಲಾವಣೆ ಅಂತ್ಯವಾಗಿದ್ದು, ಅದನ್ನು ಕೇವಲ ಬ್ಯಾಂಕ್ ನಲ್ಲಿ ಮಾತ್ರ ಠೇವಣಿ ಮಾಡಬಹುದಾಗಿದೆ. ಉಳಿದಂತೆ 500  ರು. ಮುಖಬೆಲೆಯ ಹಳೆಯ ನೋಟುಗಳನ್ನು ಸರ್ಕಾರಿ ಕಚೇರಿಗಳಲ್ಲಿ ಚಲಾವಣೆ ಮಾಡಬಹುದಾಗಿದ್ದು, ಸರ್ಕಾರದ ಯಾವ ಯಾವ ಕೇಂದ್ರಗಳಲ್ಲಿ ಹಳೆಯ 500ರು. ನೋಟುಗಳನ್ನು ಚಲಾವಣೆ ಮಾಡಬಹುದು ಎಂಬುದರ ಸಣ್ಣ ಪಟ್ಟಿ ಇಲ್ಲಿದೆ.

1. ಪೆಟ್ರೋಲ್ ಬಂಕ್ ಗಳು
2. ರೈಲ್ವೇ ಟಿಕೆಟ್ ಬುಕ್ಕಿಂಗ್
3. ಸಾರಿಗೆ ಇಲಾಖೆ (ಬಸ್ ಮತ್ತು ಇತರೆ ಸರ್ಕಾರಿ ಸಾರಿಗೆ ಸೇವೆ-ಬಸ್ ಟಿಕೆಟ್ ಬುಕ್ಕಿಂಗ್)
4. ಸರ್ಕಾರಿ ಆಸ್ಪತ್ರೆಗಳು
5. ವಿಮಾನ ಟಿಕೆಟ್ ಬುಕ್ಕಿಂಗ್ ಮತ್ತು ವಿಮಾನ ನಿಲ್ದಾಣಗಳಲ್ಲಿ (5 ಸಾವಿರ ರು. ಮಿತಿ)
6. ಶವಾಗಾರಗಳು, ಚಿತಾಗಾರ ಮತ್ತು ಸ್ಮಶಾನಗಳು
7. ಹಾಲಿನ ಕೇಂದ್ರಗಳು
8.ಮೆಟ್ರೋ ರೈಲು ನಿಲ್ದಾಣ
9. ಮೆಡಿಕಲ್ ಕೇಂದ್ರ (ವೈದ್ಯರು ಸೂಚಿಸಿದ ಔಷಧಿಕೊಳ್ಳಲು ಮಾತ್ರ)
10. ಎಲ್ ಪಿಜಿ ಗ್ಯಾಸ್ ಸಿಲಿಂಡರ್ ಕೇಂದ್ರ
11. ರೈಲ್ವೇ ಕ್ಯಾಟರಿಂಗ್ (ರೈಲುಗಳಲ್ಲಿ ಆಹಾರಕೊಳ್ಳಲು)
12. ನೀರು ಮತ್ತು ವಿದ್ಯುತ್ ಬಿಲ್ ಪಾವತಿ ಕೇಂದ್ರಗಳು
13. ಐತಿಹಾಸಿಕ ಸ್ಮಾರಕಗಳ ವೀಕ್ಷಣೆಗಾಗಿ ಟಿಕೆಟ್ ಖರೀದಿಗಾಗಿ
14. ಸರ್ಕಾರಿ ಗ್ರಾಹಕ ಸಹಕಾರಿ ಕೇಂದ್ರಗಳಲ್ಲಿ 5000 ರು.ಮಿತಿಯೊಳಗೆ ಖರೀದಿ ಮಾಡಬಹುದು (ಹಾಪ್ ಕಾಮ್ಸ್, ಎಂಎಸ್ ಐಎಲ್, ಸರ್ಕಾರಿ ಖಾದಿ ಬಂಡಾರ ಇತ್ಯಾದಿ)
15. ಸರ್ಕಾರೀ ಆದಾಯ ತೆರಿಗೆ ಇಲಾಖೆ ಮತ್ತು ಕಂದಾಯ ಇಲಾಖೆ
16. ಬಿತ್ತನೆ ಬೀಜ ಮತ್ತು ಕೃಷಿಕ ವಸ್ತುಗಳ ಸರ್ಕಾರಿ ಕೇಂದ್ರ ಇತ್ಯಾದಿ
17. ಟೋಲ್ ಬೂತ್ ಗಳು
18. ಕೇಂದ್ರ, ರಾಜ್ಯ, ಕಾರ್ಪೋರೇಷನ್ ಮತ್ತು ಸ್ಥಳೀಯ ಸರ್ಕಾರಿ ಅನುದಾನಿತ ಶಾಲೆಗಳಲ್ಲಿ ಶಾಲಾ ಶುಲ್ಕವಾಗಿ ಒರ್ವ ವಿದ್ಯಾರ್ಥಿಗೆ 2 ಸಾವಿರದಂತೆ 500 ರು.ನೋಟುಗಳನ್ನು ಪಾವತಿ ಮಾಡಬಹುದು.
19. ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳ ಕಾಲೇಜು ಶುಲ್ಕವಾಗಿ ಪಾವತಿ ಮಾಡಬಹುದು.
20. ಪ್ರೀಪೇಯ್ಡ್ ಮೊಬೈಲ್ ಗಳಿಗೆ ಗರಿಷ್ಠ 500 ರು. ಮಿತಿಯಲ್ಲಿ ಕರೆನ್ಸಿ ರೀಚಾರ್ಜ್ ಮಾಡಿಸಬಹುದು.
21. ನ್ಯಾಯಾಲಗಳಲ್ಲಿ ಶುಲ್ಕ ಪಾವತಿಗಾಗಿ 500. ರು ನೋಟುಗಳನ್ನು ಬಳಕೆ ಮಾಡಬಹುದು.