ಕರ್ನಾಟಕದ ಹಿರಿಯ ದಲಿತ ನಾಯಕ ರಮೇಶ್ ಜಿಗಜಿಣಗಿ; ಹಿರಿತನಕ್ಕೆ ಸಿಕ್ಕ ಪ್ರತಿಫಲ
64 ವರ್ಷದ ರಮೇಶ್ ಚಂದಪ್ಪ ಜಿಗಜಿಣಗಿ ಮಂಗಳವಾರ ನವದೆಹಲಿಯಲ್ಲಿ ನೂತನ ಕೇಂದ್ರ ಸಚಿವರಾಗಿ (ರಾಜ್ಯ) ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಬಿಜಾಪುರ ಲೋಕಸಭಾ ಕ್ಷೇತ್ರದಿಂದ
Published On :
ನವದೆಹಲಿ: 64 ವರ್ಷದ ರಮೇಶ್ ಚಂದಪ್ಪ ಜಿಗಜಿಣಗಿ ಮಂಗಳವಾರ ನವದೆಹಲಿಯಲ್ಲಿ ನೂತನ ಕೇಂದ್ರ ಸಚಿವರಾಗಿ (ರಾಜ್ಯ) ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಬಿಜಾಪುರ ಲೋಕಸಭಾ ಕ್ಷೇತ್ರದಿಂದ ಐದು ಬಾರಿ ಗೆದ್ದಿರುವ ಹಿರಿಯ ಸಂಸದನಿಗೆ ಮಂತ್ರಿ ಪದವಿ ನೀಡಿ ಪಕ್ಷ ಗೌರವಿಸಿದೆ.
ದಕ್ಷಿಣ ಭಾರತದಲ್ಲಿ ಪರಿಶಿಷ್ಟ ಜಾತಿಗೆ 28 ಕ್ಷೇತ್ರಗಳು ಮೀಸಲಾಗಿದ್ದು, ಈ ಕ್ಷೇತ್ರಗಳಿಂದ ಆಯ್ಕೆಯಾಗಿರುವ ಬಿಜೆಪಿ ಪಕ್ಷದ ಓರ್ವ ದಲಿತ ನಾಯಕ ಜಿಗಜಿಣಗಿ.
ಕಲೆಯಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಜಿಗಜಿಣಗಿ ಮೊದಲ ಬಾರಿಗೆ 12 ನೇ ಲೋಕಸಭಾ ಮಧ್ಯಂತರ ಚುನಾವಣೆಯಲ್ಲಿ ಕಾಂಗ್ರೆಸ್ ಮಾಜಿ ಕೇಂದ್ರ ಸಚಿವ ಬಿ ಶಂಕರಾನಂದ್ ಅವರನ್ನು ಸೋಲಿಸಿ ಆಯ್ಕೆಯಾಗಿದ್ದರು. ನಂತರ 1999, 2004, 2009 ಮತ್ತು 2014 ರಲ್ಲಿ ಗೆಲ್ಲುವ ಮೂಲಕ ತಮ್ಮ ಸ್ಥಾನವನ್ನು ಕಾಪಾಡಿಕೊಂಡು ಸೋಲಿಲ್ಲದ ಸರದಾರ ಎನ್ನಿಸಿಕೊಂಡಿದ್ದಾರೆ.
"ರಾಜ್ಯದ ದಲಿತ ಸಮುದಾಯದ ಪ್ರತಿನಿಧಿಯಾಗಿ ಕೇಂದ್ರ ಸಂಪುಟಕ್ಕೆ ಸೇರಿಸಿಕೊಳ್ಳಲು ಜಿಗಜಿಣಗಿ ಹೆಸರನ್ನು ಪಕ್ಷದ ರಾಜ್ಯದ ಮುಖಂಡರು ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರಿಗೆ ಅನುಮೋದನೆ ಮಾಡಿದ್ದರು " ಎಂದು ಪಕ್ಷದ ಮೂಲಗಳು ತಿಳಿಸಿವೆ.
ರಾಷ್ಟ್ರೀಯ ರಾಜಕಾರಣಕ್ಕೆ ಜಿಗಿರುವ ಮುಂಚಿತವಾಗಿ ಜಿಗಜಿಣಗಿ ಬಿಜಾಪುರ ವಿಧಾನಸಭಾ ಕ್ಷೇತ್ರದಿಂದ ಮೂರು ಬಾರಿ ಗೆದ್ದಿದ್ದರು ಮತ್ತು ಜನತಾದಳ ಸರ್ಕಾರದಲ್ಲಿ 1983 ರಿಂದಲೂ ಗೃಹ ಖಾತೆ, ಅಬಕಾರಿ, ಸಾಮಾಜ ಕಲ್ಯಾಣ ಮತ್ತು ಕಂದಾಯ ಖಾತೆಗಳನ್ನು ನಿರ್ವಹಿಸಿದ ಅನುಭವವು ಇವರ ಜೊತೆಗಿದೆ.
ಅಲ್ಲದೆ ವಿವಿಧ ಸಂಸದೀಯ ಸಮಿತಿಗಳಾದ, ಗೃಹ ವ್ಯವಹಾರಗಳು, ವಿದೇಶಾಂಗ ವ್ಯವಹಾರಗಳು, ಭದ್ರತೆ, ವಾಣಿಜ್ಯ, ಮಾನವ ಸಂಪನ್ಮೂಲಗಳು ಹಾಗೂ ಆಹಾರ ಮತ್ತು ಗ್ರಾಹಕ ವ್ಯವಹಾರಗಳ ಸಮಿತಿಗಳಲ್ಲೂ ಸದಸ್ಯರಾಗಿ ದಶಕಗಳ ಕಾಲ ಸೇವೆ ನಿರ್ವಹಿಸಿದ್ದಾರೆ.
ಕರ್ನಾಟಕದಿಂದ ಡಿ ವಿ ಸದಾನಂದ ಗೌಡ, ಅನಂತಕುಮಾರ್, ಜಿ ಎಂ ಸಿದ್ದೇಶ್ವರ ಈಗಾಗಲೇ ನರೇಂದ್ರ ಮೋದಿ ಸಂಪುಟದಲ್ಲಿ ಸಚಿವರಾಗಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Narendra Modiನರೇಂದ್ರ ಮೋದಿUnion Ministerಕೇಂದ್ರ ಸಚಿವBijapurಬಿಜಾಪುರRamesh Chandappa Jigajinagiರಮೇಶ್ ಚಂದಪ್ಪ ಜಿಗಜಿಣಗಿ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.