10 ದಿನದ ಧ್ಯಾನ ಮುಗಿಸಿ ಹೆಚ್ಚು ಗೆಲುವಾಗಿದ್ದೇನೆ: ಕೇಜ್ರಿವಾಲ್

ನವದೆಹಲಿ: ಹಿಮಾಚಲಪ್ರದೇಶದಲ್ಲಿ 10 ದಿನಗಳ ಧ್ಯಾನ ಶಿಬಿರದಲ್ಲಿ ಪಾಲ್ಗೊಂಡು ಹಿಂದಿರುಗಿರುವ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಈಗ ಬಹಳ ಗೆಲುವಿನಿಂದ ಇದ್ದೇನೆ ಎಂದು ಗುರುವಾರ ಹೇಳಿದ್ದಾರೆ.

"10 ದಿನಗಳ ವಿಪಾಸನಾ ಶಿಬಿರದಿಂದ ಹಿಂದಿರುಗುತ್ತಿದ್ದೇನೆ. ಈಗ ಬಹಳ ತಾಜಾತನದಿಂದ ಗೆಲುವಾಗಿದ್ದೇನೆ" ಎಂದು ಕೇಜ್ರಿವಾಲ್ ಟ್ವೀಟ್ ಮಾಡಿದ್ದಾರೆ.

ಆಗಸ್ಟ್ 1 ರಂದು ಹಿಮಾಚಲ ಪ್ರದೇಶದ ದಲೈ ಲಾಮಾ ಅವರ ಆಶ್ರಮದ ಬಳಿಯಿರುವ ಧರ್ಮಕೋಟ್ ಗೆ ವಿಪಾಸನಾ ಶಿಬಿರದಲ್ಲಿ ಪಾಲ್ಗೊಳ್ಳಲು ತೆರಳಿದ್ದರು.

ಅವರ ಶಿಬಿರ ಆಗಸ್ಟ್ 2 ರಂದು ಪ್ರಾರಂಭವಾಗಿತ್ತು. ಈ 10 ದಿನದ ಅವಧಿಯಲ್ಲಿ ಅವರನ್ನು ಭೇಟಿ ಮಾಡಲು ಯಾರಿಗೂ ಅವಕಾಶ ನೀಡಿರಲಿಲ್ಲ ಮತ್ತು ದಿನಪತ್ರಿಕೆ ಮತ್ತು ಫೋನುಗಳಿಂದ ಕೂಡ ದೂರವಿದ್ದರು.