ವರ್ಗೀಸ್ ಕುರಿಯನ್ ೯೪ನೆ ಜಯಂತಿಗೆ ಗೂಗಲ್ ಡೂಡಲ್ ಸಂಭ್ರಮ

ನವದೆಹಲಿ: ಮುಖಪುಟದಲ್ಲಿ ಡೂಡಲ್ ಬಿಡಿಸುವ ಮೂಲಕ ಅಂತರ್ಜಾಲ ದೈತ್ಯ ಗೂಗಲ್, ವರ್ಗೀಸ್ ಕುರಿಯನ್ ಅವರ ೯೪ನೆ ಜನ್ಮ ಜಯಂತಿಯನ್ನು ಸಂಭ್ರಮಿಸಿದೆ.

ಹಾಲಿನ ಕ್ರಾಂತಿಗೆ ಕಾರಣವಾದ ವರ್ಗೀಸ್ ಕುರಿಯನ್ ಹಸುವಿನ ಜೊತೆಗೆ ಹಾಲು ಡಬ್ಬಿ ಹಿಡಿದು ಕುಳಿತಿರುವ ಚಿತ್ರವನ್ನು ಗೂಗಲ್ ಪ್ರಕಟಿಸಿದೆ.

'ಬಿಳಿ ಕ್ರಾಂತಿಯ ಹರಿಕಾರ' ಎಂದೇ ಪ್ರಖ್ಯಾತರಾದ ಕುರಿಯನ್ ರೈತರ ಸಹಕಾರ ಸಂಘಗಳನ್ನು ಕಟ್ಟುವ ಮೂಲಕ ಹಾಲು ಕೊರತೆ ದೇಶವನ್ನು ಅತಿ ಹೆಚ್ಚು ಹಾಲು ಉತ್ಪಾದಿಸಿವ ದೇಶವನ್ನಾಗಿ ಬದಲಾಯಿಸಿದ್ದರು. ಮೊದಲ ಬಾರಿಗೆ ೧೯೯೮ರಲ್ಲಿ ಅತಿ ಹೆಚ್ಚು ಹಾಲು ಉತ್ಪಾದಿಸುವ ದೇಶ ಅಮೆರಿಕಾವನ್ನು ಭಾರತ ಹಿಂದಿಕ್ಕಿತ್ತು.

ಅವರು ಡೈರಿ ಉತ್ಪನ್ನಗಳ ಅಮೂಲ್ ಎಂಬ ಸಂಸ್ಥೆಯನ್ನು ಕೂಡ ಕಟ್ಟಿ ಬೆಳೆಸಿದ್ದರು.

ತಮ್ಮ ೯೦ನೆಯ ವಯಸ್ಸಿನಲ್ಲಿ ವರ್ಗೀಸ್ ಕುರಿಯನ್ ಅವರು ಸೆಪ್ಟಂಬರ್ ೯ ೨೦೧೨ರಲ್ಲಿ ಗುಜರಾತ್ ನಲ್ಲಿ ನಿಧನರಾದರು.