ರೈತರ ದೂರದರ್ಶನ ವಾಹಿನಿ 'ಡಿಡಿ ಕಿಸಾನ್' ಮಂಗಳವಾರ ಅನಾವರಣ

ನವದೆಹಲಿ: ರೈತ ಕೇಂದ್ರಿತ ದೂರದರ್ಶನ ಟಿವಿ ವಾಹಿನಿಯನ್ನು ಪ್ರಧಾನಿ ನರೇಂದ್ರ ಮೋದಿ ನಾಳೆ ಅನಾವರಣಗೊಳಿಸಲಿದ್ದಾರೆ.

ಕೇಬಲ್ ಮತ್ತು ಡಿಟಿಎಚ್ ನಿರ್ವಾಹಕರು ತಮ್ಮ ಗ್ರಾಹಕರಿಗೆ ಈ ವಾಹಿನಿಯನ್ನು ಕಡ್ಡಾಯವಾಗಿ ಪ್ರಸಾರ ಮಾಡಬೇಕು ಎಂದು ಸರ್ಕಾರ ನಿಯಮ ಮಾಡಿದೆ.

"ಎಲ್ಲ ರಾಜ್ಯಗಳಲ್ಲೂ ರೈತರು ಇರುವುದರಿಂದ ಕೇಬಲ್ ಕಾಯ್ದೆಯ ಪ್ರಕಾರ ಕಿಸಾನ್ ವಾಹಿನಿಯನ್ನು ಕಡ್ಡಾಯ ಮಾಡಲಾಗಿದೆ. ಇದನ್ನು ಕೇಬಲ್ ಮತ್ತು ಡಿಟಿಎಚ್ ನಿರ್ವಾಹಕರು ತಮ್ಮ ಗ್ರಾಹಕರಿಗೆ ಈ ವಾಹಿನಿಯನ್ನು ಕಡ್ಡಾಯವಾಗಿ ಪ್ರಸಾರ ಮಾಡಬೇಕು" ಎಂದು ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅರುಣ್ ಜೇಟ್ಲಿ ಇಂದು ತಿಳಿಸಿದ್ದಾರೆ.

ಈ ಹಿಂದೆ ೨೪ ಕಡ್ಡಾಯ ಪ್ರಸಾರ ವಾಹಿನಿಗಳಿದ್ದವು, ಈಗ ಈ ಹೊಸ ಸೂಚನೆಯೊಂದಿಗೆ ಇದರ ಸಂಖ್ಯೆ ೨೫ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ವಾಹಿನಿ 24x7 ಲಭ್ಯವಾಗಲಿದ್ದು, ಪ್ರಧಾನವಾಗಿ ಕೃಷಿ, ಮತ್ತು ಗ್ರಾಮೀಣ ಭಾರತದ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡಲಾಗುವುದು. ಹಾಗು ಹವಾಮಾನ ವರದಿ ಅತಿ ಉಪಯುಕ್ತವಾಗಲಿದೆ ಎಂದು ಅರುಣ್ ಜೇಟ್ಲಿ ತಿಳಿಸಿದ್ದಾರೆ.