೨೦೧೩ರಲ್ಲಿ ೧.೩೪ ಲಕ್ಷ ಜನ ಆತ್ಮಹತ್ಯೆ; ಮಹಾರಾಷ್ಟ್ರ, ತಮಿಳುನಾಡು ಪಟ್ಟಿಯಲ್ಲಿ ಮುಂದು

ನವದೆಹಲಿ: ಅತಿ ಹೆಚ್ಚು ಆತ್ಮಹತ್ಯಾ ಪ್ರಕರಣಗಳ ರಾಜ್ಯ ಮಹಾರಾಷ್ಟ್ರ ನಂತರದ ರಾಜ್ಯ ತಮಿಳುನಾಡು ಹಾಗು ಇನ್ನಿತರ ಎಲ್ಲ ರಾಜ್ಯಗಳನ್ನು ಒಳಗೊಂಡಂತೆ ಭಾರತದಲ್ಲಿ ೨೧೦೩ ರಲ್ಲಿ ೧.೩೪ ಲಕ್ಷ ಜನ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಲೋಕಸಭೆಯಲ್ಲಿ ತಿಳಿಸಲಾಗಿದೆ.

೨೧೦೩ರಲ್ಲಿ ಮಹಾರಾಷ್ಟ್ರ ೧೬,೬೬೨ ಆತ್ಮಹತ್ಯಾ ಪ್ರಕರಣಗಳನ್ನು ಕಂಡರೆ ತಮಿಳುನಾಡು ೧೬,೬೦೧ ಪ್ರಕರಣಗಳನ್ನು ದಾಖಲಿಸಿದೆ ಎಂದು ಗೃಹ ಸಚಿವಾಲಯದ ರಾಜ್ಯ ಸಚಿವ ಹರಿಭಾಯಿ ಪರತಿಭಾಯಿ ಚೌಧರಿ ಲಿಖಿತ ಪ್ರಶ್ನೆಯೊಂದಕ್ಕೆ ಉತ್ತರ ನೀಡುವಾಗ ಹೇಳಿದ್ದಾರೆ.

ನಂತರದ ಸ್ಥಾನಗಳಲ್ಲಿ ಆಂಧ್ರಪ್ರದೇಶ (೧೪೬೦೭), ಪಶ್ಚಿಮ ಬಂಗಾಳ (೧೩೦೫೫) ಕರ್ನಾಟಕ (೧೧೨೬೬), ಮಧ್ಯಪ್ರದೇಶ (೯೪೪೬) ಮತ್ತು ಕೇರಳ (೮೬೪೬) ಅತಿ ಹೆಚ್ಚು ಆತ್ಮಹತ್ಯೆಗಳನ್ನು ದಾಖಲಿಸಿರುವ ರಾಜ್ಯಗಳು.