ಪತ್ರಕರ್ತನ ಮೇಲೆ ಹಲ್ಲೆ: ಕಾಶ್ಮೀರದಲ್ಲಿ ಪ್ರತಿಭಟನೆ

ಶ್ರೀನಗರ: ತಮ್ಮ ಸಹೋದ್ಯೋಗಿಯ ಮೇಲೆ ಕೃಷಿ ಸಚಿವರ ಅಂಗರಕ್ಷಕ ಪಡೆಯ ಸದಸ್ಯರು ಕೈಮಾಡಿದ್ದಾರೆ ಎಂದು ಪ್ರಾದೇಶಿಕ ಪತ್ರಕರ್ತರು ಮಂಗಳವಾರ ಶಾಂತಿಯುತವಾದ ಪ್ರತಿಭಟನಾ ನಡಿಗೆಯಲ್ಲಿ ಪಾಲ್ಗೊಂಡರು.

ನಗರದ ಕೇಂದ್ರದ ಲಾಲ್ ಚೌಕಿಯಲ್ಲಿ ಮಂಗಳವಾರ ಶ್ರೀನಗರ ಮೂಲದ ಪತ್ರಕರ್ತರು ಪ್ರತಿಭಟನೆ ನಡೆಸಿ ಕೃಷಿ ಸಚಿವ ಗುಲಾಂ ನಭಿ ಹಂಜೂರಾ ಅವರ ಅಂಗರಕ್ಷಕ ಪಡೆಯ ಮೇಲೆ ಕ್ರಮ ಜರುಗಿಸಬೇಕೆಂದು ಆಗ್ರಹಿಸಿದ್ದಾರೆ.

ನಗರದ ಭಾಗ್ ಎ ಮೆಹ್ತಾಬ್ ನಲ್ಲಿ ಕೃಷಿ ಸಚಿವರ ಅಂಗರಕ್ಷಕ ಪಡೆ ತಮ್ಮ ಮತ್ತು ತಮ್ಮ ಪತ್ನಿಯ ಮೇಲೆ ಸೋಮವಾರ ಹಲ್ಲೆ ನಡೆಸಿದ್ದಾರೆ ಪತ್ರಕರ್ತ ಜಾವೇದ್ ಮಲ್ಲಿಕ್ ದೂರಿದ್ದಾರೆ.

ಪ್ರಾದೇಶಿಕ ಮಾಧ್ಯಮದಲ್ಲಿ ಜಾವೇದ್ ಮಲಿಕ್ ಅವರ ಮೇಲೆ ನಡೆದ ಹಲ್ಲೆಯ ಮೇಲೆ ಬಹಳಷ್ಟು ಪ್ರಚಾರ ಆಗಿದ್ದರೂ ಕೃಷಿ ಸಚಿವರಾಗಲಿ ಪೊಲೀಸರಾಗಲೀ ಯಾವುದೇ ಹೇಳಿಕೆಯನ್ನು ನೀಡಿಲ್ಲ.