ಬಿಹಾರ ವಿಧಾನಸಭೆ ಚುನಾವಣೆ: ಕದ ತಟ್ಟಿ ನಿತೀಶ್ ಪ್ರಚಾರ

ಪಾಟ್ನಾ: ಬಿಹಾರದ ಆಡಳಿತ ಪಕ್ಷ ಜನತಾದಳ (ಸಂಯುಕ್ತ) ಪ್ರತಿ ಮನೆಯ ಕದ ತಟ್ಟಿ ಪ್ರಚಾರ ನಡೆಸುವ ಅಭಿಯಾನವನ್ನು ಗುರುವಾರ ಪ್ರಾರಂಭಿಸಿದೆ.

ಜೆಡಿಯು, ಆರ್ ಜೆ ಡಿ, ಕಾಂಗ್ರೆಸ್ ಮತ್ತು ಎನ್ ಸಿ ಪಿ ಮೈತ್ರಿಕೂಟದ ಮುಖ್ಯಮಂತ್ರಿ ಅಭ್ಯರ್ಥಿ ನಿತೀಶ್ ಕುಮಾರ್ ಪಾಟ್ನಾದಲ್ಲಿ ಈ ಅಭಿಯಾನ ಪ್ರಾರಂಭಿಸಿದ್ದಾರೆ. ಇದೇ ಸಮಯದಲ್ಲಿ ಬಿಹಾರದಾದ್ಯಂತ ೧೦೦೦೦ ಪ್ರದೇಶಗಳಲಿ ಜೆಡಿಯು ಕಾರ್ಯಕರ್ತರು ಮತ್ತು ಮುಖಂಡರು ಈ ಅಭಿಯಾನಕ್ಕೆ ಸಮಾನಾಂತರವಾಗಿ ಚಾಲನೆ ನೀಡಿದ್ದರೆ.

ಪಾಟ್ನಾದ ಸಾಹೇಬ್ ವಿಧಾನಸಭಾ ಕ್ಷೇತ್ರದಲ್ಲಿ ನಿತೀಶ್ ಕುಮಾರ್ ಅವರೇ ಖುದ್ದಾಗಿ ಮನೆಗಳ ಕದ ತಟ್ಟಿ ಪ್ರಚಾರ ಆರಂಭಿಸಿದ್ದಾರೆ.

ಲೋಕಸಭಾ ಚುನಾವಣೆಗಳಲ್ಲಿ ನರೇಂದ್ರ ಮೋದಿ ಅವರ ಪ್ರಚಾರಕ್ಕೆ ತಂತ್ರಗಾರಿಕೆ ಮಾಡುತ್ತಿದ್ದ ಪ್ರಶಾಂತ್ ಕಿಶೋರ್ ಅವರ ಕಲ್ಪನೆಯ ಕೂಸು ಈ ಮನೆಯಿಂದ ಮನೆಗೆ ಹೋಗಿ ಪ್ರಚಾರ ಮಾಡುವ ಅಭಿಯಾನ.

ಕಳೆದ ತಿಂಗಳು ನಿತೀಶ್ ಕುಮಾರ್ ಅವರು 'ಭಡ್ ಚಲಾ ಬಿಹಾರ್' (ಮುನ್ನುಗ್ಗುತ್ತಿರುವ ಬಿಹಾರ) ಅಭಿಯಾನಕ್ಕೂ ಚಾಲನೆ ನೀಡಿದ್ದರು. ಅದು ಕೂಡ ಪ್ರಶಾಂತ್ ಕಿಶೋರ್ ಅವರ ಕಲ್ಪನೆಯ ಕೂಸೆ. ಆದರೆ ಬಿಜೆಪಿ ಪಕ್ಷ ದೂರು ನೀಡಿದ್ದರಿಂದ ಚುನಾವಣೆ ಸಂಹಿಯೆಅನ್ನು ಉಲ್ಲಂಘಿಸುತ್ತಿರುವ ಆರೋಪದ ಮೇಲೆ ಆ ಅಭಿಯಾನಕ್ಕೆ ಚುನಾವಣಾ ಆಯೋಗ ತಡೆ ಹಾಕಿತ್ತು.