ವಿದರ್ಭದಲ್ಲಿ ರೈತರ ಆತ್ಮಹತ್ಯೆ, ಬಿಜೆಪಿಯನ್ನು ದೂಷಿಸಿದ ಶಿವಸೇನ

ಮುಂಬೈ: ವಿದರ್ಭದಲ್ಲಿ ಸಾಲದ ಬಾಧೆ ತಾಳಲಾರದೆ ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದರೆ, ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ರಾಜ್ಯದಲ್ಲಿ ವ್ಯವಹಾರ ಕುದುರಿಸುವುದರಲ್ಲಿ ಹಾಗೂ ಹೂಡಿಕೆಯನ್ನು ಆಕರ್ಷಿಸುವುದರಲ್ಲಿ ಕಾರ್ಯನಿರತರಾಗಿದ್ದಾರೆ ಎಂದು ಶಿವಸೇನೆ ತನ್ನ ಮೈತ್ರಿ ಪಕ್ಷ ಬಿಜೆಪಿಯನ್ನು ತರಾಟೆಗೆ ತೆಗೆದುಕೊಂಡಿದೆ.

ಜನರ ನಿರೀಕ್ಷೆಯನ್ನು ತಲುಪುವುದಕ್ಕೆ ಬಿಜೆಪಿ ಪಕ್ಷ ಸೋತಿದೆ ಎಂದು ಸೇನೆ ಆರೋಪಿಸಿದೆ.

"ಹೊಸ ಮುಖ್ಯಮಂತ್ರಿ (ದೇವೇಂದ್ರ ಫಡ್ನವಿಸ್) ವಿದರ್ಭದವರಾಗಿದ್ದು ಆ ಭಾಗದ ರೈತರು ಹೊಸ ಜೀವನ ಪಡೆಯಲಿದ್ದಾರೆಂಬ ಭರವಸೆ ಹುಟ್ಟಿಸಿದ್ದರು. ಆದರೆ ಈಗ ಅದಕ್ಕೆ ವಿರುದ್ಧವಾದ ಕಾರ್ಯಗಳೇ ಜರುಗುತ್ತಿವೆ. ದಾವೋಸ್ ನಲ್ಲಿ ಹೂಡಿಕೆದಾರರಿಗೆ ಕೆಂಪು ಕಾರ್ಪೆಟ್ ಹಾಸುವುದರಲ್ಲಿ ಮುಖ್ಯಮಂತ್ರಿ ಬ್ಯುಸಿಯಾಗಿದ್ದಾರೆ, ಇಲ್ಲಿ ರೈತರಿಗೆ ಸಾಲ ಹಿಂದುರಿಗಿಸಲು ಸಾಧ್ಯವಾಗದೆ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಈ ಘಟನೆಗಳು ಹೃದಯ ಹಿಂಡುತ್ತವೆ" ಎಂದು ಸೇನಾದ ಮುಖವಾಣಿ ಸಾಮ್ನಾದ ಸಂಪಾದಕೀಯದಲ್ಲಿ ಬರೆದಿದ್ದಾರೆ.