ನನಗೆ ದೆಹಲಿ ಪೊಲೀಸರು ಥಳಿಸಿದರು; ಯೋಗೇಂದ್ರ ಯಾದವ್

ಜಂತರ್ ಮಂಥರ್ ನಲ್ಲಿ ರೈತರ ಪ್ರತಿಭಟನೆಗಳಲ್ಲಿ ಭಾಗಿಯಾಗಿದ್ದ ಸಾಮಾಜಿಕ ಕಾರ್ಯಕರ್ತ ಯೋಗೇಂದ್ರ ಯಾದವ್ ಅವರನ್ನು ದೆಹಲಿ ಪೊಲೀಸರು ಮೊದಲು ವಶಕ್ಕೆ ತೆಗೆದುಕೊಂಡು ನಂತರ ತಡರಾತ್ರಿಯಲ್ಲಿ ಸಂಸತ್ ಬೀದಿಯಿಂದ ಬಂಧಿಸಿದ್ದರು. ಕೇಂದ್ರ ಸರ್ಕಾರದ ಭೂಸ್ವಾಧೀನ ಸುಗ್ರೀವಾಜ್ಞೆ ಕಾಯ್ದೆಯಲ್ಲಿ ತಿದ್ದುಪಡಿಯ ವಿರುದ್ಧ ಪಂಜಾಬ್, ಹರ್ಯಾಣ ಮತ್ತು ರಾಜಸ್ಥಾನ ರೈತರು ದೆಹಲಿಯಲ್ಲಿ ಪ್ರತಿಭಟನೆ ನಡೆದಿದ್ದರು.

ಭಾನುವಾರ ಸಂಜೆ ದೆಹಲಿ ಗಡಿಯಲ್ಲಿ ರೈತರು 'ಟ್ರಾಕ್ಟರ್ ಪ್ರತಿಭಟನೆ ನಡೆಸಿದ್ದರು' ಆದರೆ ದೆಹಲಿ ಪೊಲೀಸರು ಮಧ್ಯ ಪ್ರವೇಶಿಸಿ ನಗರಕ್ಕೆ ಟ್ರಾಕ್ಟರ್ ಒಳಬರದಂತೆ ತಡೆದಿದ್ದರು, ನಂತರ ಈ ಪ್ರತಿಭಟನೆಗಳು ನವದೆಹಲಿಯ ಕೇಂದ್ರ ಭಾಗದ ಜಂತರ್ ಮಂತರ್ ನಲ್ಲಿ ಮುಂದುವರೆದಿತ್ತು.

ಸ್ವರಾಜ್ ಅಭಿಯಾನದ ಸಂಸ್ಥಾಪಕ ಸದಸ್ಯ ಯೋಗೇಂದ್ರ ಯಾದವ್ ಅವರು "ದೆಹಲಿ ಪೊಲೀಸರು ನನ್ನನ್ನು ಬಂದಿಸಿ ನನ್ನ ಮೇಲೆ ಕೈಮಾಡಿ ಥಳಿಸಿದರು" ಎಂದು ಟ್ವೀಟ್ ಮಾಡಿದ್ದಾರೆ.