ಎವರೆಸ್ಟ್ ಶಿಖರದಲ್ಲಿ ಹಿಮಪಾತ: ಸಾವಿನ ಸಂಖ್ಯೆ 65 ಕ್ಕೆ ಏರಿಕೆ

ನವದೆಹಲಿ : ನೇಪಾಳದಲ್ಲಿ ಸಂಭವಿಸಿರುವ ಪ್ರಬಲ ಭೂಕಂಪ ಮೌಂಟ್ ಎವರೆಷ್ಟ್ ಮೇಲೂ ಪರಿಣಾಮ ಬೀರಿದೆ. ಭೂಕಂಪ ಸಂಭವಿಸುತ್ತಿದ್ದಂತೆಯೇ ಎವರೆಷ್ಟ್ ನಲ್ಲಿ ಒಂದೇ ಸಮನೆ ಭಾರಿ ಹಿಮಪಾತ ಆರಂಭವಾಗಿದೆ.

ಹಿಮಪಾತಕ್ಕೆ ಸಿಲುಕಿ 19ಮಂದಿ ಪರ್ವತಾರೋಹಿಗಳು ಜೀವ ಕಳೆದುಕೊಂಡಿದ್ದಾರೆ. 5 ಸಾವಿರ ಮೀಟರ್ ಎತ್ತರದಲ್ಲಿದ್ದ ಪರ್ವತಾರೋಹಿಗಳು ಬೇಸ್ ಕ್ಯಾಂಪ್ ಕಡೆಗೆ ಧಾವಿಸುತ್ತಿದ್ದಾಗ ಈ ಘಟನೆ ಸಂಭವಿಸಿದೆ. ಏಪ್ರಿಲ್ ತಿಂಗಳಲ್ಲಿ ಸಣ್ಮಮಟ್ಟದ ಹಿಮಪಾತ ಸಾಮಾನ್ಯ.

ಆದರೆ ಭೂಕಂಪದ ಪ್ರಭಾವದಿಂದಾಗಿ ಈ ಬೆಳವಣಿಗೆಯಾಗಿದೆ. ಸತ್ತವರು ಹಾಗೂ ನಾಪತ್ತೆಯಾದವರ ವಿವರ ಇನ್ನೂ ಸಿಗಬೇಕಿದ್ದು, ಆರೋಹಿಗಳಲ್ಲಿ ಚೀನೀಯರು, ಶೆರ್ಪಾಗಳು ಹೆಚ್ಚಿನ ಸಂಖ್ಯೆಯವರಿದ್ದರು.

ಭಯದಲ್ಲೂ ಟ್ವೀಟ್: ನೂರಾರು ಆರೋಹಿಗಳು ಹಿಮಪಾತಕ್ಕೆ ಸಿಲುಕಿದ್ದಾರೆ. ಭೂಕಂಪದ ಪರಿಣಾಮದಿಂದ ಹಿಮಪಾತ ಹೆಚ್ಚಾಗಿದೆ. ಜೀವ ಉಳಿಸಿಕೊಳ್ಳಲು ಟೆಂಟ್ ಬಿಟ್ಟು ಓಡಲಾರಂಭಿಸಿ
ದ್ದೇವೆ. ನಮ್ಮ ಸುರಕ್ಷತೆಗಾಗಿ ಪ್ರಾರ್ಥಿಸಿ ಎಂದು ಅಲೆಕ್ಸ್ ಗಾವನ್
ಎಂಬ ರೊಮಾನಿಯಾದದ ಪರ್ವತಾರೋಹಿ ಹಿಮಪಾತದ ಭೀತಿಯ ನಡುವೆಯೇ ಟ್ವೀಟ್ ಮಾಡಿದ್ದಾರೆ.