ಬಾಳೆಹಣ್ಣು ಹೊತ್ತ ೧೩ ಟ್ರಕ್ಕುಗಳನ್ನು ಹಿಂದಕ್ಕೆ ಕಳುಹಿಸಿದ ಪಾಕಿಸ್ತಾನಿಗಳು

ಜಮ್ಮು: ಭಾರತೀಯ ವ್ಯಾಪಾರಸ್ಥರ ನಡುವಿನ ಭಿನ್ನಾಭಿಪ್ರಾಯಗಳಿಂದ ಬಾಳೆಹಣ್ಣು ಹೊತ್ತ ೧೩ ಟ್ರಕ್ಕುಗಳನ್ನು ಬುಧವಾರ ಪಾಕಿಸ್ತಾನಿ ಮಾರಾಟಗಾರರು ವಾಪಸ್ ಕಳುಹಿಸಿರುವ ಘಟನೆ ನಡೆದಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ವಿಭಜನೆಯಾಗಿರುವ ಕಾಶ್ಮೀರದ ನಡುವಿನ ವ್ಯಾಪಾರದ ಸಲುವಾಗಿ ಮಂಗಳವಾರ ಈ ಟ್ರಕುಗಳು ಪಾಕಿಸ್ತಾನ ಪ್ರವೇಶಿಸಿದ್ದವು.

ಎರಡು ಕಡೆಯ ಅಧಿಕಾರಿಗಳು ಪೂಂಚ್ ನ ಚಕನ್ ದ ಭಾಗ್ ನಲ್ಲಿ ಭೇಟಿ ಮಾಡಿ ಭಿನ್ನಾಭಿಪ್ರಾಯಗಳನ್ನು ಬಗೆಹರಿಸಿಕೊಳ್ಳುವುದಾಗಿ ಭಾರತೀಯ ಅಧಿಕಾರಿ ಮುಹಮ್ಮದ್ ಆಶ್ರಫ್ ಚೌಧರಿ ತಿಳಿಸಿದ್ದಾರೆ.

ದುಡ್ಡು ಕೊಡುವುದರ ತೆಗೆದುಕೊಳ್ಳುವುದರ ಬಗ್ಗೆ ಕೆಲವು ವಿವಾದಗಳಿದ್ದವು, ಆದರೆ ಪಾಕಿಸ್ತಾನಿ ವ್ಯಾಪಾರಿಗಳು ಟ್ರಕ್ಕುಗಳನ್ನು ವಾಪಸ್ ಕಳುಹಿಸಬಾರದಿತ್ತು ಎಂದು ಭಾರತೀಯ ವ್ಯಾಪಾರಿಗಳು ಹೇಳಿದ್ದಾರೆ.

"ಚಕನ್ ದ ಭಾಗ್ ಗಡಿಯನ್ನು ನೆನ್ನೆ ೨೫ ಟ್ರಕ್ಕುಗಳು ದಾಟಿದ್ದವು" ಎಂದು ಚೌಧರಿ ತಿಳಿಸಿದ್ದಾರೆ. "ಇವುಗಳಲ್ಲಿ ೧೩ ರನ್ನು ವಾಪಸ್ ಕಳುಹಿಸಲಾಗಿದೆ, ಆದರೆ ಬಾದಾಮಿ, ಸೇಬುಗಳನ್ನೊಳಗೊಂಡ ೧೦ ಟ್ರಕ್ಕುಗಳು ಪಾಕಿಸ್ತಾನದಿಂದ ಭಾರತಕ್ಕೆ ಬಂದಿವೆ" ಎಂದು ಅವರು ತಿಳಿಸಿದ್ದಾರೆ.

ಜಮ್ಮು ಕಾಶ್ಮೀರದ ಗಡಿಯಲ್ಲಿ ಭಾರತ ಮಾತು ಪಾಕಿಸ್ತಾನದ ಮಧ್ಯೆ ನಂಬಿಕೆ ಬೆಳೆಸುವ ಉದ್ದೇಶದಿಂದ ೨೦೦೮ರಲ್ಲಿ ವ್ಯಾಪಾರ ಪ್ರಾರಂಭವಾಗಿತ್ತು.