ಹೈವೇಗಳಲ್ಲಿನ ಮದ್ಯದಂಗಡಿಗಳನ್ನು ಸ್ಥಳಾಂತರಿಸಿ: ಕೇರಳ ಹೈಕೋರ್ಟ್

ಕೊಚ್ಚಿ: ರಾಷ್ಟ್ರೀಯ ಹೈವೇಗಳಲ್ಲಿ ಮತ್ತು ಸರ್ವೀಸ್ ರಸ್ತೆಗಳಲ್ಲಿರುವ ರಾಜ್ಯ ಸರ್ಕಾರದ ಒಡೆತನದ ಎಲ್ಲ ಮದ್ಯದಂಗಡಿಗಳನ್ನು ಸ್ಥಳಾಂತರಿಸಲು ಕ್ರಮ ಕೈಗೊಳ್ಳುವಂತೆ ಕೇರಳ ಉಚ್ಛ ನ್ಯಾಯಾಲಯ ಸೋಮವಾರ ಕೇರಳ ಸರ್ಕಾರಕ್ಕೆ ನಿರ್ದೇಶಿಸಿದೆ.

ಬೆವೆರೇಜಸ್ ಕಾರ್ಪೋರೇಶನ್ ನಡೆಸುವ ಈ ಮದ್ಯದಂಗಡಿಗಳಿಂದ ವಾಹನ ದಟ್ಟನೆ ಹೆಚ್ಚಾಗುತ್ತಿದೆ ಮತ್ತು ಅಪಘಾತಗಳು ಕೂಡ ಹೆಚ್ಚಿವೆ ಎಂದು ಕಾರುಂಗಪಲ್ಲಿಯ ಪಿ ಕೆ ಮೊಹಮದ್ ಸಲ್ಲಿಸಿದ್ದ ಸಾರ್ವಜನಿಕ ಅರ್ಜಿಯನ್ನು ವಿಚಾರಣೆ ನಡೆಸಿದ ಹಂಗಾಮಿ ಮುಖ್ಯ ನ್ಯಾಯಾಧೀಶ ಅಶೋಕ್ ಭೂಷಣ್, ನ್ಯಾಯಾಧೀಶ ಎ ಎಂ ಶಫೀಕ್ ಒಳಗೊಂಡ ವಿಭಾಗೀಯ ಪೀಠ ಸರ್ಕಾರಕ್ಕೆ ಈ ನಿರ್ದೇಶನ ನೀಡಿದೆ.

ಮೂರು ವಾರಗಳಲ್ಲಿ ಈ ಕೆಲಸದ ಪ್ರಗತಿಯನ್ನು ತಿಳಿಸುವಂತೆ ಸರ್ಕಾರಕ್ಕೆ ಸೂಚಿಸಿದೆ.

ಕೇರಳ ಬೆವೆರೇಜಸ್ ಕಾರ್ಪೋರೇಶನ್ ಪ್ರಕಾರ ರಾಷ್ಟ್ರ ಮತ್ತು ರಾಜ್ಯ ಹೈವೇಗಳಲ್ಲಿ ೧೬೯ ಮದ್ಯದಂಗಡಿಗಳಿವೆ.