ಮೋದಿ ನಿಷ್ಠಾವಂತ: ಇಮ್ರಾನ್ ಖಾನ್ ಶ್ಲಾಘನೆ

ಇಸ್ಲಾಮಾಬಾದ್: ವಿದೇಶದಲ್ಲಿರುವ ಕಪ್ಪುಹಣವನ್ನು ವಾಪಸ್ ತರುವುದಕ್ಕಾಗಿ ಭಾರತದ ಪ್ರಧಾನಿ ನರೇಂದ್ರ ಮೋದಿಯವರ ಪರಿಶ್ರಮದ ಬಗ್ಗೆ ಪಾಕಿಸ್ತಾನದ ವಿಪಕ್ಷ ನಾಯದ ಇಮ್ರಾನ್ ಖಾನ್ ಪ್ರಶಂಸೆ ವ್ಯಕ್ತ ಪಡಿಸಿದ್ದಾರೆ.

ನೀವು ಅವರ ಬಗ್ಗೆ ಏನೇ ಹೇಳಿ, ಅವರು ನಿಷ್ಠಾವಂತ ವ್ಯಕ್ತಿ ಎಂದು ಕ್ರಿಕೆಟರ್ ಆಗಿ ನಂತರ ರಾಜಕೀಯ ಪ್ರವೇಶಿಸಿದ ಇಮ್ರಾನ್ ಖಾನ್ ಹೇಳಿದ್ದಾರೆ.

2013ರ ಪಾಕ್ ಚುನಾವಣೆಯಲ್ಲಿ ನವಾಜ್ ಶರೀಫ್ ಸರ್ಕಾರ ಮೋಸ ಮಾಡಿದೆ ಎು ಆರೋಪಿಸಿ ಇಮ್ರಾನ್ ಖಾನ್ ಆಗಸ್ಟ್ ತಿಂಗಳಿನಿಂದ ಪ್ರತಿಭಟನೆ ಮಾಡುತ್ತಾ ಬರುತ್ತಿದ್ದಾರೆ.

ಆದಾಗ್ಯೂ, ಇತ್ತೀಚೆಗೆ ಭಾರತದ ಗಡಿ ಪ್ರದೇಶದಲ್ಲಿ ಪಾಕ್ ದಾಳಿ ನಡೆಸಿದ ನಂತರ ಪಾಕಿಸ್ತಾನದ ರಾಜಕಾರಣಿಯೊಬ್ಬರು ಮೋದಿಯವರನ್ನು ಪ್ರಶಂಸಿಸಿರುವುದು ಇದೇ ಮೊದಲನೇ ಬಾರಿಯಾಗಿದೆ.