ರಾಜ್ ಕಪೂರ್ ಬರ್ತ್‌ಡೇ ಆಚರಿಸಿದ ಗೂಗಲ್ ಡೂಡಲ್

ನವದೆಹಲಿ: ಬಾಲಿವುಡ್‌ನ ಖ್ಯಾತ ನಟ, ನಿರ್ದೇಶಕ, ನಿರ್ಮಾಪಕ  ದಿವಂಗತ ರಾಜ್ ಕಪೂರ್ ಅವರ 90ನೇ ಹುಟ್ಟುಹಬ್ಬವನ್ನು ಗೂಗಲ್ ವಿಶೇಷ ಡೂಡಲ್ ರಚಿಸುವ ಮೂಲಕ ಆಚರಿಸಿಕೊಂಡಿದೆ.

ಆವಾರಾ ಮತ್ತು ಶ್ರೀ 420 ಚಿತ್ರದಲ್ಲಿ ಮನೋಜ್ಞ ಅಭಿನಯ ನೀಡಿ ಮನಗೆದ್ದಿದ್ದ ರಾಜ್ ಕಪೂರ್ ಬಾಲಿವುಡ್ ನಲ್ಲಿ ಚಾರ್ಲಿ ಚಾಪ್ಲಿನ್ ನಟನೆಯನ್ನು ನಮಗೆ ನೆನಪಿಸುವಂತೆ ಮಾಡಿವರು.

ಹಳೇ ಕಾಲದ ಹ್ಯಾಂಡ್ ಪ್ರಿಂಟೆಡ್ ಫಿಲ್ಮ್ ಪೋಸ್ಟರ್ ಮಾಡಿ ಅದರಲ್ಲಿ ನಗುತ್ತಿರುವ ರಾಜ್ ಕಪೂರ್. ಈ ಚಿತ್ರದ ಹಿನ್ನೆಲೆಯಲ್ಲಿ ಶ್ರೀ 420ರಲ್ಲಿ ರಾಜ್ ಕಪೂರ್ ನರ್ಗೀಸ್ ಜತೆ ಕೊಡೆ ಹಿಡಿದು ಸಾಗುವ ದೃಶ್ಯವನ್ನು ಹಿಡಿದಿಟ್ಟು ಡೂಡಲ್ ರಚಿಸಲಾಗಿದೆ.

ತಮ್ಮ ಅದ್ಭುತ ನಟನೆಯಿಂದ ಬಾಲಿವುಡ್‌ನಲ್ಲಿ ರಾಜನಂತೆ  ಮೆರೆದ ರಾಜ್‌ಕಪೂರ್ 1988ರಲ್ಲಿ ನಿಧನ ಹೊಂದಿದ್ದರು.