ಅಣಬೆ ಬಳಸುವಾಗ ಎಚ್ಚರ

ಸ್ವಾದಿಷ್ಟ ರುಚಿ, ಪೋಷಕಾಂಶ ಇರುವ ಅಣಬೆಗಳಿರುವಂತೆ ವಿಷಪೂರಿತ ಅಣಬೆಗಳೂ ಇರುತ್ತವೆ. ಅವುಗಳನ್ನು ಎಚ್ಚರವಹಿಸಿ ಬಳಸಬೇಕು. ಇಲ್ಲವಾದರೆ ಸಾವು ಖಂಡಿತ!
ಸಾಮಾನ್ಯವಾಗಿ ಅಣಬೆಗಳು ತೇವಾಂಶ ಇರುವ ಜಾಗಗಳಲ್ಲಿ, ಅಂದರೆ ಮರಗಳಕಾಂಡಗಳಿಗೆ ಅಂಟಿಕೊಂಡೋ, ಹುತ್ತಗಳಿರುವ ಜಾಗಗಳಲ್ಲೋ, ಕಸದ ರಾಶಿಗಳಲ್ಲೋ, ಅಡಕೆಸಿಪ್ಪೆ ರಾಶಿಗಳಲ್ಲೋ ಬೆಳೆಯುತ್ತವೆ. ಕೆಲವು ಜಾತಿಯ ಅಣಬೆಗಳು ನೇರ ಸೂರ್ಯ ರಶ್ಮಿಗೆ ಎದುರಾಗಿ ಬೆಳೆಯುತ್ತವೆ. ತೇವಾಂಶವಿರುವ ಜಾಗಗಳನ್ನು ಬಿಟ್ಟು ಒಣ ಪ್ರದೇಶಗಳಲ್ಲಿ ವಿಪರೀತ ಬೇಸಿಗೆಯಲ್ಲಿ ಅಣಬೆ ಬೆಳೆಯಲಾರದು.
ಕೊಡೆಯಾಕಾರದಲ್ಲಿ ತೆರೆದಿರುವ ಭಾಗವು ಅಣಬೆಯ ಫಲವತ್ತತೆಯ ಭಾಗವಾಗಿದೆ. ಭೂಮಿಯೊಳಗೆ ಉಳಿದ ಭಾಗವು ಕೊಳವೆಯಾಕಾರದ ಬಿಳಿಯ ನೂಲಿನ ಎಳೆಗಳಂತೆ ಕೂಡಿರುತ್ತದೆ. ಈ ನೂಲಿನೆಳೆಗಳು ಬೆಳೆದಂತೆಲ್ಲಾ ಹರಡಿಕೊಂಡು ಮೇಲೇರಿ ಹೋಗಿ ಛತ್ರಿಯಾಕಾರವನ್ನು ನಿರ್ಮಿಸುತ್ತವೆ. ಅಣಬೆಗಳನ್ನು ಅಡುಗೆಗೆ ಬಳಸುವಾಗ ತಿಳಿದವರಿಂದ ಸರಿಯಾದ ಮಾಹಿತಿ ಪಡೆದು ನಂತರ ಬಳಸುವುದು ಒಳಿತು. ಇಲ್ಲದಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ.

- ಅರಳಕುಪ್ಪೆ ಶ್ರೀನಿವಾಸ